नेर्ले (सांगली) : येथील सावित्रीबाई फुले कन्या विद्यालयातील मुलींचा राज्यस्तरावरील खो - खो स्पर्धेत १८ वर्षाखालील गटात प्रथम क्रमांक मिळवला. रत्नागिरी येथे या स्पर्धा पार पडल्या. डेरवन युथ गेम्स या नावाने या स्पर्धा होतात. नेर्ले येथील सावित्रीच्या लेकींनी राज्यस्तरीय मारलेली मजल प्रेरणादायी आहे. नेर्ले येथील रयत शिक्षण संस्थेचे सावित्रीबाई फुले कन्या विद्यालयातील विद्यार्थिनींनी रत्नागिरी येथे झालेल्या राज्यस्तरीय खो खो - खो स्पर्धेत सहभाग घेतला होता. १८ वर्षाखालील मुलींच्या संघाने अत्यंत चुरशीच्या सामन्यात वाडीकुरोली (पंढरपूर) या संघास ६ गुणांनी पराभूत केले. पुन्हा एकदा खो - खो साठी वर्चस्व प्रस्थापित करत राज्यात प्रथम क्रमांक मिळवला.

हेही वाचा - Video : सांगलीत जेरबंद झालेला बिबट्या आता अधिवासात, पाहा व्हिडीओ

स्पर्धेतील उत्कृष्ट संरक्षक

नेहा वाठारकर, उत्कृष्ट खेळाडू म्हणून स्नेहल चव्हाण यांना सन्मानित करण्यात आले. तसेच १४ वर्षाखालील संघाने तृतीय क्रमांक पटकावला. कर्णधार म्हणून साक्षी पाटील, प्रशिक्षक एस. डी. पोपेरे. राज्य स्तरावर उत्कृष्ठ कामगिरी केल्याबद्दल, वॉरियर्स स्पोर्ट्सच्या वतीने आणि पालकांच्यावतीने खेळाडूंचे स्वागत करण्यात आले. यावेळी वॉरियर्स स्पोर्ट्सचे अध्यक्ष हेमंत पाटील, उपाध्यक्ष- मानिकराव माने, सदस्य, हणमंतराव निकम, धनाजी पाटील, सुरेश पाटील, सुधीर पाटील, बी. ए कदम, सुभाष पाटील, विकास गवारकर, सतीश चव्हाण, मख्याध्यापिका सौ. देवकारे, डी.एम.माळी  पालक उपस्थित होते.