सातारा : जिल्ह्यात आज (गुरुवार) पहाटे आणि काल (बुधवार) दिवसभरात एकूण 332.91 मिलीमीटर पाऊस पडल्याची नोंद झाली आहे. जिल्ह्यात गेल्या 24 तासात एकूण सरासरी 23.60 मिलीमीटर पाऊस झाला आहे. पश्‍चिमेकडील भागात आज (गुरुवार) सकाळपासून पावसाची रिपरिप सुरूच राहिली. कोयना धरणात 104.18 टीएमसी एवढा पाणीसाठा झाला आहे. दरम्यान सकाळी साडे अकरा वाजता काेयनेचे दहा फुट दरवाजे उचलले असून 86 हजार 506 क्युसेक्स पाण्याचा विसर्ग सुरु आहे.  
महापूर, अतिवृष्टीचा धक्‍क्‍यातून पश्‍चिमेकडील लोक सावरताहेत तोवर पुन्हा पावसाचा जोर वाढला आहे. जिल्ह्याच्या पश्‍चिमेकडील भागासह सातारा परिसरात आजही (गुरुवार) पावसाच्या सरी सुरू राहिल्या आहेत. पावसाचे प्रमाण वाढल्याने ऐन गणेशोत्सवात जनजीवन विस्कळीत होऊ लागले आहेत. शिवाय, बाजारपेठांमध्ये ग्राहक, विक्रेत्यांची धांदल उडत आहे. जिल्ह्यात सकाळी आठ वाजेपर्यंत झालेल्या पावसाची तालुकानिहाय माहिती आणि कंसात आतापर्यंत झालेल्या एकूण पावसाची आकडेवारी मिलीमीटर मध्ये अशी ः सातारा 22.88 (1684.31) , जावळी- 51.02 (2168.05), पाटण- 40.00 (1929.48) , कराड 12.62 (970.38) , कोरेगाव- 9.22 (662.00) , खटाव- 3.33 (421.22) , माण- 0(161.41) , फलटण- 2.78 (190.56) , खंडाळा- 3.25 (506.90) , वाई- 20.34 (863.66) , महाबळेश्वर- 167.48 (6851.64) याप्रमाणे आजपर्यंत एकूण 16409.60 मिली मीटर तसेच सरासरी 1265.20 मिलीमीटर पावसाची नोंद झाली आहे. 
कोयना धरणक्षेत्रात कोयना 145 मिली मीटर, नवजा 316 मिली मीटर, महाबळेश्वर 157 मिली मीटर. एवढया पावसाची नोंद झाली असून कोयना धरणात 104.18 टीएमसी एवढा पाणीसाठा झाला आहे. 

प्रमुख धरणातील पाणीसाठा 
धोम एकूण क्षमता- 13.50, उपयुक्त पाणीसाठा- 11.26 टीएमसी, टक्के- 96.31, धोम बलकवडी एकूण क्षमता-4.08 टीएमसी उपयुक्त पाणीसाठा- 3.94 टीएमसी टक्के- 99.57, कण्हेर एकूण क्षमता-10.10 टीएमसी, उपयुक्त पाणीसाठा- 9.48 टीएमसी, टक्के- 98.82, उरमोडी एकूण क्षमता-9.96 टीएमसी, उपयुक्त पाणीसाठा- 9.56 टीएमसी, टक्के- 98.99, तारळी एकूण क्षमता टीएमसी -5.85 पाणी साठा- 5.37 टीएमसी टक्के- 91.97, निरा देवघर एकूण क्षमता-11.91 टीएमसी पाणीसाठा- 11.73 टीएमसी, टक्के-100, भाटघर एकूण क्षमता 23.75 टीएमसी पाणीसाठा- 23.42 टीएमसी, टक्के-99.6, वीर एकूण क्षमता-9.83 टीएमसी,पाणीसाठा- 9.41 टीएमसी, टक्के-100