नेर्ले (सांगली) : येथील तीन महिन्यांपुर्वी शेतात विहीर काढण्यासाठी अहोरात्र धडपड करणाऱ्या व दगडं फोडून आयुष्य कंठनाऱ्या कर्नाटक येथुन आलेल्या झोपडीतल्या कुटुंबाना महसूल विभाग सांगली यांचेकडून आलेले धान्याचे किट या महिला मजूरा पर्यंत पोहोच केले.त्यामुळे  आपल्या बायका मुलांसह राबणाऱ्या संसारात लागणाऱ्या तेल, मीठ, चटनीची व्यवस्था झाल्यामुळे या मजूर कष्टकरी महिलानी महसूल अधिकाऱ्यांचे आभार व्यक्त केले. यावेळी धान्य घेनाऱ्याच्या व देनाऱ्याच्या चेहऱ्यावर आनंद ओसंडून वाहत होता.

हेही वाचा- कोकणवासीयांना धास्ती मुंबईकर गावाकडे येण्याची

17 जणांचा प्रश्न लागला मार्ग

नेर्ले गावच्या हद्दीत महामार्गाच्या पश्चिम दिशेला 'घोलाची शेती' म्हणून प्रसिद्ध आहे .या भागात कर्नाटक येथील कामासाठी आलेल्या लहान मुला बाळा सह 17 जणांच्या पोटाचा प्रश्न ऐरणीवर आला होता.सांगली जिल्हा महसूल प्रशासन  त्यांच्या झोपडी पर्यंत पोहोचले. डाळ, तांदूळ, साखर, पीठ, मीठ, चहा पावडर, तेल साबण अशा एक ना अनेक संसार उपयोगी वस्तू या मजुरांना मिळाल्या त्यामुळे त्यांच्या चेहऱ्यावर घामाच्या धारा ऐवजी आनंदाची लकेर उमटली.

हेही वाचा- गावभर उठली ही अफवा आणि घडले चांगलेच.....

 महसूल विभागाचे असेही योगदान

सांगली जिल्हा महसूल विभागाच्या वतीने एकही व्यक्ती उपाशी राहणार नाही या उद्देशाने उपेक्षित व्यक्तींना व कुटुंबांना हे धान्य पोहोच करण्याचे काम तालुकास्तरावरील महसूल विभाग करीत आहे. यावेळी पेठ भागांत देखील गरीब कुटुंबाना धान्य किट वाटप करण्यात आले. पेठ मंडल अधिकारी सुरेश शेळके मंडल अधिकारी पेठ पंडीत चव्हाण नेर्ले, तलाठी राहुल काळे पेठ,विजय रोकडे उपस्थित होते.प्रांताधिकारी नागेश पाटील,तहसीलदार रवींद्र सबनीस यांचे सहकार्य लाभले.महसूल विभाग सांगली अशा गरजू कुटुंबाचा शोध घेत त्यांच्यपर्यंत धान्य पोहोचवायचे काम करीत आहे.सामाजिक कार्यकर्ते यांचे माध्यमातून योग्य कुटुंबाला धान्य मिळत असल्याने लोकांतून समाधान व्यक्त होत आहे.