dr, niket shaha.jpg 
पश्चिम महाराष्ट्र

आश्‍चर्य...जगातील सर्वात मोठ्या  किडनी शस्त्रक्रियेची लिम्का बुकात नोंद 

सकाळवृत्तसेवा

मिरज-येथील वानलेस मिशन हॉस्पिटलमध्ये जगातल्या, वजनाने व आकाराने सर्वात मोठी ठरेल अशी दोन अर्भकांच्या आकाराची किडनी शस्त्रक्रियेद्वारे शिताफीने काढण्याचे काम सांगलीतील शहा हॉस्पिटलचे संचालक व वॉनलेस हॉस्पिटलचे सहयोगी युरॉलॉजिस्ट डॉ. निकेत कांती शहा यांनी यशस्वीरित्या 23 जून 2017 रोजी केले होते. त्यांच्या विक्रमाची नोंद नुकतीच लिम्का बुक ऑफ रेकॉर्डस्‌ने घेतली आहे. त्या संबंधीचे प्रमाणपत्र लिम्का बुकच्या व्यवस्थापनाने डॉ. शहा यांना दिले. शहा हॉस्पिटलचे संचालक डॉ. कांती शहा यांनी ही माहिती दिली. 

अशा प्रकारचा वैद्यकीय क्षेत्रातील विक्रम यापूर्वी सांगलीतून प्रथमच नोंदला गेला आहे. त्यामुळे सांगलीच्या वैद्यकीय क्षेत्राचे नाव आता लिम्का बुक ऑफ रेकॉर्डस्‌मध्ये नोंद झाले आहे. हजारांमध्ये एकाला होणारा ऍडल्ट पॉलिसिस्टीक या किडनीच्या आजारामुळे कराड येथील 50 वर्षे वयाचा एक रुग्ण गेली 8-10 वर्षे त्रस्त होता. त्यांना हा विकार वेगाने बळावला. या आजारामध्ये किडनीमध्ये पाण्याचे फुगे तयार होऊन आकार वाढत जातो व किडनी निकामी होत जाते. पण या आजारातील आजपर्यंतच्या जगाच्या इतिहासातील ही सर्वात मोठी किडनी होती.

नेहमीचे किडनीचे वजन अंदाजे 150 ग्रॅम इतके असते, पण या रुग्णाची किडनी 40 पट मोठी म्हणजे 6.24 किलो इतकी मोठी झाली होती. मिरजेतील ज्येष्ठ नेफ्रॉलॉजिस्ट डॉ. राजीव गांधी यांनी या रुग्णाचे अचूक निदान केल्यानंतर त्यांच्याशी चर्चा करुन ही शस्त्रक्रिया यशस्वीपणे करण्यात आली. यापूर्वी अशा प्रकारच्या ऍडल्ट पॉलिसिस्टीक या आजारात यापूर्वी 2.75 किलो इतकी किडनीच्या वजनाची नोंद केली गेली आहे. त्याचबरोबर किडनीमध्ये कर्करोगाची गाठ असलेल्या एका रुग्णाच्या किडनीचे वजन 5.018 किलो इतके असल्याची नोंदही आहे. ही दोन्ही रेकॉर्डस्‌ या ऑपरेशनमुळे मोडली गेली आहेत. या दोन्ही रुग्णांच्या किडनीपेक्षाही अधिक वजनाची व 40.5 से.मी. इत्नया उच्चांकी लांबीची ही किडनी असल्याचे डॉ. निकेत शहा यांनी सांगितले. 


या किडनीचा आकार 40 पट वाढल्याने ती पोटातील इतर अवयव व आतड्यांना चिकटली गेली होती. ही अत्यंत गुंतागुंतीची आणि ऐतिहासिक शस्त्रक्रिया यशस्वी केल्याबद्दल मुत्ररोग शल्यविशारद डॉ. निकेत शहा, मुत्ररोगतज्ज्ञ डॉ. राजीव गांधी, मिरज मिशन हॉस्पिटलचे संचालक डॉ. नाथानियल ससे, भूलतज्ज्ञ डॉ. सिद्धेश्‍वर शेटे व मिशन हॉस्पिटलच्या शस्त्रक्रिया विभागाच्या सर्व तज्ज्ञ सहकाऱ्यांचे लिम्का बुकमध्ये नोंद झाल्याबद्दल अभिनंदन करण्यात येत आहे. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Ladki Bahin eKYC: लाडक्या बहिणींना दिलासा की तांत्रिक गोंधळ? लाडकी बहीण योजनेची ई-केवायसी सुविधा सुरूच, पण अंतिम तारीख काय?

India Cricket Matches in 2026: टी२० वर्ल्ड कप ते इंग्लंड, न्यूझीलंडचे दौरे... भारतीय संघाचे २०२६ वर्षात कसे आहे संपूर्ण वेळापत्रक?

Khandala Accident : खंडाळा घाटात भीषण अपघात; भरधाव टेम्पोचे नियंत्रण सुटले; ५ वाहनांना धडक; ट्रॅफिक अर्धा तास ठप्प!

Bharat Taxi Cab Service : ‘ओला-उबर’ला मिळणार जबरदस्त टक्कर!, देशभरात आजपासून ‘भारत टॅक्सी’ कॅब सेवा सुरू

New York: न्यूयॉर्क शहराला मिळाला पहिला मुस्लिम महापौर; कुराण हातात घेऊन घेतली शपथ

SCROLL FOR NEXT