पारनेर : नगर पुणे महामार्गावर जतेगाव घाटात कंटेनर पलटी झाल्याने सुमारे तीन तास वाहतूक ठप्प झाली शेवटी नगरला जाणारी वाहतूक राळेगणसिद्धी पारनेर मार्गे वळविण्यात आली होती.  वाहनांच्या सुमारे तीन किलोमीटर लांबच लांब रांगा लागल्या होत्या.

याबाबत माहिती अशी की, आज सकाळी साडे सहा वाजन्याच्या सुमारास नागरहून पुण्याकडे जाणार कांटेनर (आर जे 01 जी जे 7977 ) जतेगाव घाटात पलटी झाला. त्यामुळे वाहतूक सुमारे तीन तास ठप्प झाली होती. दोन्ही बाजूंनी सुमारे तीन किलोमीटर अंतरावर वाहनांच्या रांगा लागल्या होत्या. त्यामुळे वाहतूक दुरीसरीकडून वळविण्यात आली होती.

या अपघातात कोणीही जखमी झाले नाही. कंटेनर चालक धर्मेंद्र शिंग(  रा.राज्यस्थान ) हा किरकोळ जखमी झाला आहे. सुपे पोलीस निरीक्षक राजेंद्र भोसले यांच्या मार्गदर्शनाखाली हवालदार अकोलकर यांनी वाहतूक सुरळीत केली.