बेळगाव : राणी चन्नमा विद्यापीठाच्या (rani channamma university) (आरसीयु) अंतर्गत येणाऱ्या पदवी आणि पदव्यूत्तर महाविद्यालयातील प्राध्यापक, विद्यार्थी व कर्मचाऱ्यांचे १५ जुलैपर्यंत लसीकरण (covid-19 vaccination) करावे, अशी सुचना विद्यापीठाने संबंधीत महाविद्यालयांना केली आहे. मुख्यमंत्र्यांच्या सुचनेनुसार (orders from karnataka CM ही मोहिम राबविली जात असून २६ जुलै रोजी विद्यापीठाने एक पत्रक काढून महाविद्यालयांना सुचना केल्या आहेत. (belguam)

कोरोनामुळे (corona) गेल्या दोन महिन्यांपासून महाविद्यालये बंदच आहेत. जुलैमध्ये महाविद्यालये सुरु करण्याच्या हालचाली सुरु झाल्या आहेत. तत्पुर्वी विद्यार्थ्यांचे लसीकरण केले जाणार आहे. त्यानंतरच महाविद्यालये सुरु केली जाणार आहेत. यामुळे लसीकरणाला गती देण्यात येणार आहे. आरसीयु (RCU) अंतर्गत येणाऱ्या महाविद्यालयाच्या प्राचार्यांनी आपल्या महाविद्यालयात कार्यरत असलेल्या सर्व प्राध्यापक, कर्मचारी व विद्यार्थ्यांच्या नावाची यादी तयार करावी. आपल्या विभागातील संबंधीत आरोग्य खाते, नगरपालिका, महानगरपालिका अधिकाऱ्यांनी संपर्क साधून लवकरात लवकर लसीकरण अभियान हाती घ्यावे.

प्रत्येक महाविद्यालयातील प्रत्येक विद्यार्थी, शिक्षक, शिक्षकेत्तर, कर्मचाऱ्यांनी लसीकरण करून घेणे बंधनकारक असून या सर्वांना लसीकरण करून घेण्यासाठी आरोग्य खात्याच्या अधिकाऱ्यांशी समन्वय साधून महाविद्यालयाच्या प्रांगणात लसीकरणाच्या उपलब्धतेनुसारही मोहिम सुरु करावी. यासाठी महाविद्यालयांनी एका प्राध्यापकाची नोडल अधिकारी म्हणून नेमणुक करावी. या नोडल अधिकाऱ्यांनी आरोग्य खात्याच्या अधिकाऱ्याशी संपर्क साधून लसीकरण मोहिम यशस्वी करावी, असे आवाहन केले आहे.

नोडल अधिकाऱ्यांनी सर्वांच्या नावाची यादी आणि लसीकरणाच्या उपलब्धतेनुसार, लसिकरण अभियान हाती घ्यावे. नोडल अधिकाऱ्यांनी दररोज लसिकरण करण्याबाबतची संपुर्ण माहिती संग्रहित करावी. तसेच भारत सरकारच्या कोवीड-१९ मार्गसुचीचे काटेकोरपणे पालन करावे. याबरोबरच आरोग्य खात्याच्या वरिष्ट अधिकाऱ्यांशी समन्वय साधून पुढील लसीकरण अभियानाबाबत रुपरेशा आखावी. तसेच लसीकरण झाल्याबाबत हाती घेतलेल्या उपक्रमाची माहिती व अहवाल राणी चन्नमा विद्यापीठास देण्यात यावा. असे आवाहन केले आहे.