सांगली ः कोथळे खून खटल्यातील घटनेतील प्रत्यक्ष साक्षीदार आणि अनिकेतचा मित्र अमोल भंडारे याची महत्त्वपूर्ण साक्ष काल न्यायालयासमोर नोंदवण्यात आली. आज बचाव पक्षाने उलटतपास घेतला. जबाबातील विसंगती समोर आणल्या. या दरम्यान सरकार पक्ष आणि बचाव पक्ष यांच्यात शाब्दिक चकमक उडाली. प्रधान जिल्हा व सत्र न्यायाधीश विजय पाटील यांच्यासमोर आज सुनावणी झाली. सरकारतर्फे विशेष सरकारी वकील उज्ज्वल निकम यांनी काम पाहिले.
कोरोना काळात खंडित झालेली खटल्याची सुनावणी कालपासून सुरू झाली. प्रत्यक्ष साधीक्षार अमोल भंडारे याची साक्ष झाली. ""मी आणि अनिकेत कोथळे दोघे पळून गेलो होतो. अनिकेत कुठे आहे माहिती नाही, असेच सांगायचे. तसे सांगितले नाही, तर अनिकेतसारखे तुलाही मारून टाकीन,'' अशी धमकी बडतर्फ उपनिरीक्षक युवराज कामटे याने डोक्याला रिव्हॉल्व्हर लावून दिली होती, अशी साक्ष भंडारेने न्यायालयात नोंदवली. सारा घटनाक्रम न्यायालयासमोर सांगितला.
आज बचाव पक्षातर्फे ऍड. प्रमोद सुतार, विकास पाटील-शिरगावकर, किरण शिरगुप्पे यांनी उलट तपास घेतला. ऍड. पाटील यांनी विसंगतींवर लक्ष वेधले. कामटेच्या भीतीने खोटा जबाब दिल्याचे भंडारे याने सांगितले. ऍड. सुतार यांनी मारहाण झाल्याचे न्यायालयात सांगितले नसल्याचा मुद्दा मांडला.
वैद्यकीय तपासणीवेळी सांगितले होते, असे भंडारे याने सांगितले. दरम्यान, सरकारपक्ष आणि बचावपक्षांत शाब्दिक चकमक झाली. उद्या (ता. 19) पुन्हा सुनावणी घेतली जाणार आहे. सहायक सरकारी वकील प्रमोद भोकरे, सीआयडीचे पोलिस उपाधीक्षक मुकुंद कुलकर्णी यांनी सहकार्य केले.
संपादन : युवराज यादव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.