सोलापूर : जिल्हा नियोजन विभागाचे कामकाज संगणकीय कार्यप्रणालीच्या आधारे करण्याचा निर्णय महाराष्ट्र राज्य शासनाने घेतला आहे. यामुळे जिल्हा नियोजन कार्यालयातील कामकाज कागदरहित (पेपरलेस) होणार आहे.
हेही वाचा : ठाकरे मुख्यमंत्री होताच "ती' पोस्ट झाली व्हायरल
नियोजन विभागाचे कामकाज 1 एप्रिलपासून इंटिग्रेटेड प्लॅनिंग ऑफिस ऑटोमेशन प्रणालीद्वारे केले जाणार आहे. त्यामुळे कुठलीही फाइल निरनिराळ्या विभागात फिरविण्याची गरज भासणार नाही. ही सर्व कामे संगणकीय प्रणालीद्वारे होणार आहेत. जिल्हा नियोजन कार्यालयात अधिकारी, कर्मचारी यांच्याकरिता आय-पास प्रणालीचा प्रशिक्षण कार्यक्रम आयोजित करण्यात आला. त्या वेळी श्री. दराडे यांनी याबाबत विविध विभागाचे अधिकारी कर्मचारी यांना मार्गदर्शन केले.
हेही वाचा : भ्रष्टाचारी, दुराचाऱ्यांना पाठीशी; या महापालिकेची पंरपरा
आय-पास संगणकीय यंत्रणा राज्यभरात कार्यान्वित केली जाणार आहे. नियोजन विभागातील टपालांचे व्यवस्थापन, कामांचे संनियंत्रण, कामाचे भौगोलिक स्थान, कामांचे प्रस्ताव प्राप्त झाल्यापासून ते पूर्ण होईपर्यंतची अद्ययावत स्थिती, निधीचे व्यवस्थापन, विविध स्तरांवरील डॅशबोर्ड यांचा समावेश प्रणालीत आहे. लोकप्रतिनिधी आणि कार्यान्वित यंत्रणा इंटरनेटद्वारे जोडल्या जाणार आहेत.
सुलभ, लोकाभिमुख व गतिमान कामकाज
प्रत्येक जिल्ह्याचे स्वतंत्र पोर्टल विकसित करण्यात येणार आहे. त्यामुळे जिल्ह्यातील कामकाज सुलभ, लोकाभिमुख, पारदर्शक आणि गतिमान होण्यास मदत होणार आहे. संबंधित विभागाच्या अधिकारी यांना आपल्या प्रस्तावाबाबत काय परिस्थिती आहे, निधी आला किंवा नाही, प्रस्ताव मंजूर झाला किंवा नाही हे दिसणार आहे.
- सर्जेराव दराडे, जिल्हा नियोजन अधिकारी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.