कुपवाड - येथील शाळेच्या व्हरांड्यातील छताला गळफास घेऊन युवकाने आत्महत्या केल्याचा प्रकार शनिवारी सकाळी उघडकीस आला. रवी रमेश देशमुख (वय 23 रा. समता कॉलनी कुपवाड) असे मृत युवकाचे नाव आहे. घटनास्थळाहून मिळालेली माहिती अशी की, संबधित युवक कुपवाडच्या समता कॉलनीतील रहिवासी आहे. त्याने मुख्य चौकातील असणाऱ्या जि.प शाळा इमारतीच्या व्हरांड्यातील छताला गळफास घेऊन आत्महत्या केल्याचा धक्कादायक प्रकार शनिवारी सकाळी उघडकीस आला. याबाबत माहिती मिळताच पोलिसांनी धाव घेतली. पंचनामा करण्यात आला. 'आयुष' हेल्पलाईन टीमच्या मदतकार्याने मृतदेह उतरवून शासकीय रुग्णालयात शवविच्छेदनासाठी पाठवण्यात आला आहे. आत्महत्येचे कारण अस्पष्ट आहे. याबाबतचा अधिक तपास कुपवाड पोलिस करीत आहेत.