पिंपरी : शहरातील सात आणि शहराबाहेरील 10 अशा 17 जणांना कोरोना संसर्ग झाल्याचे मंगळवारी (ता. 19) आढळले. यात आंबेगाव तालुका व बीड जिल्ह्यातील प्रत्येकी एकाचा समावेश आहे. तर पुण्यातील शिवाजीनगर, येरवडा, कँटोन्मेंट भागातील सात जणांचा समावेश आहे. दरम्यान, भोसरी आळंदी रोड बनाचा ओढा आणि चऱ्होलीतील वडमुखवाडी अलंकापुरम रोड परिसर सील करण्यात आला.
शहरातील सात जण भोसरी, रुपीनगर, आनंदनगर परिसरातील रहिवासी आहेत. दरम्यान, आज भोसरीतील दोघांचा मृत्यू झाला. यात एक 78 वर्षीय पुरुष व एका 40 वर्षीय महिलेचा समावेश आहे.
महापालिकेच्या वायसीएम व भोसरी रुग्णालयात कोरोनाबाधित रुग्णांवर उपचार सुरू आहेत. गेल्या दोन दिवसांपासून रुग्ण संख्येत वाढ होत आहे. सोमवारी (ता. 18) आनंदनगरमध्ये 18 जण पॉझिटिव्ह आढळले होते. त्यांच्या संपर्कातील व्यक्तींना चिंचवड स्टेशन परिसरातील शाळेत क्वॉरंटाइन करण्यात आले असून, त्यांच्या घशातील नमुने तपासणीसाठी घेतले होते. त्यातील काहींचे रिपोर्ट मंगळवारी आले. त्यातील पाच जण पॉझिटीव्ह आढळले. त्यामुळे एकट्या आनंदनगरमधील रुग्णांची संख्या 33 झाली आहे.
पिंपरी चिंचवडच्या बातम्या वाचण्यासाठी येथे ► क्लिक करा
आनंदनगरसह भोसरी व रुपीनगरमधील सात जणांना आज बाधा झाली. त्यात तीन पुरुष व चार महिलांचा समावेश आहे. तर शहराबाहेरील आठ पुरुष आणि दोन महिलांचा समावेश आहे. सध्या उपचार घेत असलेल्या दोघांची प्रकृती चिंताजनक आहे. दरम्यान, भोसरीतील क्षितीज डेस्टिनेशन, ग्लोबल स्कूल, दुर्वांकूर लॉन्स, बनाचा ओढा आणि चऱ्होलीतील वडमुखवाडी अलंकापुरम रोड, श्रीसमर्थ गॅरेज, शिवराज ग्रीनटेक, नील मोटर्स परिसर सील करण्यात आला.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.