पिंपरी - पिंपरी-चिंचवड शहरात (Pimpri Chinchwad City) बुधवारी (Wednesday) १७२ रुग्ण (Patients) आढळले. एकूण रुग्णसंख्या दोन लाख ६७ हजार ५७६ झाली आहे. आज १८९ जणांना डिस्चार्ज (Discharge) देण्यात आला. बरे झालेल्या एकूण रुग्णांची संख्या दोन लाख ६२ हजार २३८ झाली आहे.

सध्या एक हजार ८६ सक्रिय रुग्ण आहेत. आज कोणाचाही मृत्यू झाला नाही. मात्र, यापूर्वी मृत्यू झालेल्या एका रुग्णाची माहिती आज महापालिकेला मिळाली. आजपर्यंत शहरातील चार हजार ३८२ जणांचा मृत्यू झाला आहे.

सध्या रुग्णालयांत ७०८ रुग्ण उपचार घेत आहेत. ३८७ रुग्ण होम आयसोलेट आहेत. आजपर्यंत १२ लाख ८० हजार २१७ व्यक्तींना लस देण्यात आली आहे.

शहरात सध्या ४७ मेजर व ४५६ मायक्रो कंटेन्मेंट झोन आहेत. कंटेन्मेंट झोनमधील ५१२ घरांना आज स्वयंसेवकांनी भेट दिली. एक हजार ७६९ जणांचे विलगीकरण करण्यात आले.