पिंपरी : जगण्याची तीव्र इच्छाशक्ती आणि उत्तम प्रतिकार शक्तीच्या बळावर चिखली-म्हेत्रेवस्तीतील 90 वर्षीय आजी कोरोनावर मात करत आपल्या स्वकीयांमध्ये मंगळवारी (ता. १४) परतल्या. घरी परतलेल्या या आजींचे नागरिकांनी रांगोळी काढून टाळ्यांच्या कडकडाटात त्यांच्यावर फुलांची उधळण अन् कुटुंबियांनी औक्षण करत त्यांचे स्वागत केले.

ताज्या बातम्यांसाठी डाऊनलोड करा ई-सकाळचे ऍप   

मुक्ताबाई हिरामण पांचाळ असे या आजीचे नाव आहे. त्यांचा मुलगा माधव पांचाळ यांचा हार्डवेअरचा व्यवसाय आहे. व्यवसायात नागरिकांची आलेल्या संपर्कातून त्यांना कोरोनाची लागण झाली. माधव यांच्या संपर्कात आलेल्या त्यांची आई मुक्ताबाई यांनाही कोरोनाची लागण झाली. त्यांना थंडी, ताप, खोकला येऊ लागला. तसेच श्वास घेण्यासही अडचण येऊ लागली. यामुळे ३० जून रोजी त्यांना महापालिकेच्या यशवंतराव चव्हाण स्मृती (वायसीएम) रुग्णालयात उपचाराकरिता दाखल केले.

पुण्याच्या बातम्या वाचण्यासाठी येथे ► क्लिक करा

वायसीएम रुग्णालयात त्यांच्यावर जवळपास १५ दिवस उपचार सुरू होते. मात्र, आपल्या इच्छाशक्तीच्या बळावर त्यांनी कोरोनावर मात केली. त्यांना मंगळवारी घरी सोडण्यात आले. मुक्ताबाई या कोरोनावर मात करून आपल्या घरी आल्या. त्यावेळी त्या राहत असलेल्या सिंहगड कॉलनी येथील नागरिकांनी रांगोळी काढून फुले टाकून आणि टाळ्या वाजून जोरदार स्वागत केले.

(Edited By : Krupadan Awale)