पिंपरी : सरकारच्या आदेशाचे उल्लंघन केल्याप्रकरणी पिंपरी-चिंचवड पोलिसांनी बुधवारी (ता. 6) एकाच दिवसांत तब्बल 326 जणांवर कारवाईचा बडगा उगारला. निगडी पोलिस ठाण्यांतर्गत सर्वाधिक 57 जणांवर कारवाई करण्यात आली. 

ताज्या बातम्यांसाठी डाऊनलोड करा ई-सकाळचे ऍप

कोरोनाचा संसर्ग रोखण्यासाठी लॉकडाउन जाहीर करण्यात आला असून, संचारबंदी व जमावबंदीचे आदेश देण्यात आले आहेत. त्यानुसार अत्यावश्‍यक कामाव्यतिरिक्त शहरात फिरण्यास मनाई आहे. तरीही अनेक नागरिक रस्त्यावर फिरताना आढळून येत आहेत. विनाकारण घराबाहेर न पडण्याबाबत प्रशासनाकडून वारंवार आवाहन केले जात असतानाही, त्याकडे दुर्लक्ष करणाऱ्या बेफिकीर नागरिकांवर कारवाईचा बडगा उगारण्यात आला. 

पिंपरी चिंचवडच्या बातम्या वाचण्यासाठी येथे ► क्लिक करा

पिंपरी-चिंचवड पोलिस आयुक्तालयातील पोलिस ठाणेनिहाय झालेली कारवाई :
- निगडी (57), भोसरी एमआयडीसी (17), भोसरी (24), पिंपरी (16), चिंचवड (44), आळंदी (13), चाकण (2), दिघी (22), सांगवी (9), वाकड (20), हिंजवडी (56), देहूरोड (1), तळेगाव दाभाडे (13), तळेगाव एमआयडीसी (1), चिखली 22), रावेत चौकी (9).