पिंपरी : महापालिकेच्या यशवंतराव चव्हाण स्मृती कोविड रुग्णालयासमोर 32 सीपीएस निवासी डॉक्टरांनी 'समान काम, समान वेतना'साठी आंदोलनाचा पवित्रा घेत आज (सोमवार, ता.1) निषेध नोंदवला. रुग्णालयाच्या आवारात सकाळी साडेअकरा वाजता ठिय्या आंदोलन केले.
गेल्या अडीच महिन्यापासून 24 हजार 800 रुपये तुटपुंजे विद्यावेतन मिळत आहे. मात्र, इतर डॉक्टरांना 55 हजार प्रती महिना वेतन मिळत आहे. आज आम्ही कोरोनाच्या महामारीत जीव धोक्यात घालून काम करत आहोत. पण आमच्या या मागणीकडे आयुक्त श्रावण हर्डीकर आणि अधीष्ठता राजेंद्र वाबळे यांनी दुर्लक्ष केल्याचा आरोप डॉक्टरांनी केला आहे. आता राज्य शासनाच्या अध्यादेशानुसार आयुक्तांनी मागण्या पूर्ण करणे गरजेचे आहे. तसेच लेखी आश्वासन देणे आवश्यक आहे. तरच पुढे जाऊन आम्ही काम करणार आहेत.
पिंपरी चिंचवडच्या बातम्या वाचण्यासाठी येथे ► क्लिक करा
आंदोलनकर्ते डॉक्टर म्हणाले, "शासकीय वैद्यकीय महाविद्यालये, ठाणे महापालिका संस्था व रुग्णालयामध्ये पूर्वीपासून सीपीएस डॉक्टर्स व इतर एमबीबीएस असा भेदभाव न करता समान विद्या वेतन देण्यात येते. दरम्यान काळात राज्य सरकार व बृहन्मुंबई महापालिकेने या विषयाचे गांभीर्य लक्षात घेऊन या संबंधित निर्णय तातडीने घेतलेले आहेत. त्यांच्या प्रमाणेच आम्हीदेखील काम करत आहोत, पण आमच्या वेतनात मोठी तफावत आहे. म्हणून आम्ही निराशेत गेलो आहोत."
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.