दारुच्या नशेत झाला किरकोळ वाद; फावड्याच्या दांडक्याने केला डोक्‍यात वार
पिंपरी : दारू पिऊन झालेल्या भांडणात एकाच्या डोक्‍यात फावड्याच्या दांडक्याने मारहाण करून प्राणघातक हल्ला करण्यात आला. ही घटना वडमुखवाडी येथे घडली. याप्रकरणी एकाला अटक केली आहे.
जितू संकललाल यादव (वय 26, रा. लेबरकॅम्प, वडमुखवाडी, चऱ्होली) असे अटक केलेल्याचे नाव आहे. तर अजय शहाणे असे जखमीचे नाव आहे. याप्रकरणी ओंकार मोहन बवले (रा. भोसरी) यांनी फिर्याद दिली आहे.
- पुण्याच्या बातम्या वाचण्यासाठी येथे ► क्लिक करा
गुरुवारी (ता.1) रात्री पावणे नऊच्या सुमारास फिर्यादीच्या मालकीच्या वडमुखवाडी येथील पत्राशेडमध्ये यादव व शहाणे यांच्यात दारू पिऊन किरकोळ भांडण झाले. यामध्ये शहाणे याने यादवच्या हाताला चावा घेतला. यामुळे चिडलेल्या यादवने शहाणे याच्या डोक्‍यात फावड्याच्या दांडक्याने बेदम मारहाण केली. यामध्ये शहाणे गंभीर जखमी झाला. दिघी पोलिस अधिक तपास करीत आहेत.
गुंड अप्पा लोंढे खून प्रकरणात संशयितांवर आरोप निश्‍चिती
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.