पिंपरी : निगडीतील ओटा स्कीम येथे टोळक्याने तरुणाचा खून केल्याची घटना ताजी असतानाच चोविस तासाच्या आतच आणखी एका तरुणावर टोळक्याने प्राणघातक हलला केला आहे. काही वेळेच्या अंतरातच घडलेल्या या दोन घटनांमुळे ओटा स्कीम हादरले आहे.
'काय रे कोठे चाललाय' असे विचारल्याने सहा जणांच्या टोळक्याने सोमवारी (ता. १९) रात्री पावणे नऊच्या सुमारास आकाश उर्फ मोन्या गजानन कांबळे (वय २४, रा. भीमनगर, पिंपरी) या तरुणावर चॉपर व कोयत्याने वार केले.
ही घटना निगडीतील ओटा स्कीम येथे घडली. यामध्ये गम्भीर जखमी झाल्याने आकाश यांचा मृत्यू झाला. याप्रकरणी सोहेल संतोष जाधव (वय १८), हेमंत खंडागळे (वय १८), गणेश धोत्रे (वय १८), यश उर्फ गोंद्या खंडागळे (वय १९), वैभव वावरे (वय २१), श्रवण कुऱ्हाडे (वय १८, सर्व रा. पीसीएमसी कॉलनी, ओटा स्कीम, निगडी) यांच्यावर गुन्हा दाखल आहे.
ही घटना ताजी असतानाच ओटा स्कीम येथे मंगळवारी (ता. २०) सकाळी पुन्हा रामा कांबळे या तरुणावरही टोळक्याने प्राणघातक हलला केला. या हल्ल्यातील आरोपी सोमवारी रात्री खून झालेल्या आकाश याचे मित्र आहेत. रामा यांची प्रकृती चिंताजनक आहे. दरम्यान, काही तासांच्या कालावधीत पाठोपाठ घडलेल्या या दोन घटनांमुळे ओटा स्कीम हादरले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.