पिंपरी : पुणे-मुंबई महामार्गावरील जुन्या हॅरिस पूलाच्या दुरुस्तीचे काम पूर्ण झाले असले, तरी तो अद्याप वाहतुकीसाठी खुला केलेला नाही. त्यामुळे या पुलाचे उद्‌घाटन कधी होणार याचे वेटिंग नागरिक करत आहेत.
महापालिकेने जुन्या हॅरिस पूलावरील पुण्याहून पिंपरी-चिंचवडकडे येणाऱ्या पुलाच्या दुरुस्तीचे काम गेल्या वर्षी हाती घेतले होते. या पुलाची डागडुजी करत असताना खालच्या बाजूस आलेली वड, पिंपळाची झाडे काढून त्याठिकाणी केमिकल प्रक्रिया करण्यात आली होती. या जुन्या पुलाचे बांधकाम दगडी असल्यामुळे अनेक ठिकाणी त्याचे ग्राउटिंग करून पूल भक्‍कम करण्यात आला आहे. पुलाच्या वरच्या बाजूला देखील दुरुस्ती करण्यात आली आहे. या पुलाचे काम पूर्ण झाले असले, तरी तो वाहतुकीसाठी अद्याप खुला केलेला नसल्यामुळे पुण्याकडून पिंपरीकडे येणाऱ्या वाहनचालकांना सध्या नव्या पुलाचा वापर करावा लागत आहे. जुन्या हॅरिस पुलालगतच्या भागामध्ये नवीन पूल बांधण्यात आल्यामुळे याठिकाणी पूर्वी होणारी वाहतूक कोंडीची समस्या आता कमी झाली आहे.
पिंपरी चिंचवडच्या बातम्या वाचण्यासाठी येथे ► क्लिक करा
पूल लवकर खुला करा...
पावसाळ्यात याठिकाणी बऱ्याचदा वाहतूक कोंडी होण्याचे प्रकार होतात. त्यामुळे पावसाला सुरुवात होण्याअगोदर महापालिकेने हा पूल वाहतुकीसाठी खुला करण्याची मागणी नागरिकाकडून करण्यात आली आहे.
पुण्याच्या बातम्या वाचण्यासाठी येथे ► क्लिक करा
जुन्या हॅरिस पूलाच्या दुरुस्तीचे काम पूर्ण झाले असले, तरी त्याठिकाणी दिशादर्शक फलक लावणे आणि अन्य किरकोळ स्वरुपाची कामे होणे अद्याप बाकी आहे. येत्या 15 दिवसांमध्ये ही कामे पूर्ण करण्यात येतील. त्यामुळे हा पूल वाहतूकीला खुला होण्यासाठी दोन ते तीन आठवड्यांचा अवधी लागू शकतो.
- विजय भोजने, प्रवक्‍ता, बीआरटी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.