पिंपरी - कोरोनामुळे सुरू असलेल्या आणीबाणीसारख्या परिस्थितीत अनेक माध्यमातून जागृती करण्याचा प्रयत्न सुरु आहे. अशातच आता महापालिकेने "माझी जबाबदारी",  "पीसीएमसी सर्व्हिस" हा हॅशटॅग वापरून श्वास, लयभारी,  अशी ही बनवा बनावी,  लंच बॉक्स अशा गाजलेल्या मराठी चित्रपटांच्या नावाचा गंमतीशीर वापर करून कोरोनाबाबत सामाजिक प्रबोधन करण्याचा प्रयत्न केला आहे. महापालिकेच्या "पीसीएमसी स्मार्ट सारथी" अॅपवर या पोस्ट टाकून नागरिकांना स्वत:ची काळजी घेण्याचे आवाहन केले. या पोस्टला वाचकांची चांगली पसंती मिळत आहे.

ताज्या बातम्यांसाठी डाऊनलोड करा ई-सकाळचे ऍप

डिजिटल प्रणालीमुळे कापडी बॅनर लिहिणारे हात आता कुठे दिसेनासे झाले आहे. मशिनवर पाहिजे ती डिझाइन बनविता येत असल्यामुळे ब्रशने फलक लिहण्याची प्रथा काळाच्या पडद्याआड गेली आहे. अशा परिस्थितीत सोशल मीडियाच्या माध्यमातून  कोरोना विषाणूचा प्रादुर्भाव रोखण्यासाठी प्रशासकीय स्तरावर उपाययोजना केल्या जात आहेत. नागरिकांमध्येदेखील कोरोना विषाणूसंदर्भातील भय कमी करून जागरूक राहण्याचे आवाहन करण्यात येत आहे. 

पुण्याच्या बातम्या वाचण्यासाठी येथे ► क्लिक करा

हे संदेश दिले चित्रातून 
या संदेशामध्ये  #माझीजबाबदारी जो  #social_Distancing चे पालन करेल तो #लयभारी राव!

#PCMCServices
बाहेरगावाहून आल्यावर कोणतीही बनवाबनवी करू नका.
स्वतःला होम क्वारंटाईन करा.

#माझी_जबाबदारी 
#LunchBox खाताना #social_distancing चे पालन करा.

#PCMCServices
श्वास घेण्यास त्रास होत असेल तर त्वरित डॉक्टरांशी संपर्क साधा. असा संदेश देऊन लोकांचे मनोधैर्य वाढविणे आणि ‘कोरोनाला घाबरू नका, मात्र जागरूक राहा’ असे या संदेशातून सांगण्याचा प्रयत्न केला आहे.