भोसरी : भोसरीसह इंद्रायणीनगर, दिघी आदी परिसरात मंगळवारी (ता. ७) दुपारी सव्वाएक वाजल्यापासून जोरदार वाऱ्यासह सुरू झालेल्या पावसामुळे नागरिकांची पळापळ झाली. सुमारे अर्धा तास पडलेल्या जोरदार पावसामुळे रस्त्यावर पाणीपाणी झाले.

ताज्या बातम्यांसाठी डाऊनलोड करा ई-सकाळचे ऍप   

मंगळवारी (ता. ७) सकाळपासूनच भोसरी, इंद्रायणीनगर, दिघी परिसरात ढगाळ वातावरण होते. मात्र, अधूनमधून सूर्याचेही दर्शन होत होते. ढग आणि सूर्य यांचा लपंडावच सुरू होता. दुपारी सव्वाएकच्या सुमारास जोरदार वाऱ्यासह पावसाला सुरवात झाली. सुमारे अर्धातास जोरदार बरसल्यानंतर पावसाचा जोर काहीसा कमी झाला. मात्र, त्यानंतरही पावसाचे बरसणे सुरूच होते. जोरदार पावसामुळे भोसरी परिसरात खरेदी करण्यासाठी आलेल्या ग्राहकांची एकच पळापळ झाली. त्याचप्रमाणे रस्त्यावर भाजी विकणाऱ्या विक्रेत्यांचीही त्रेधा तिरपीट उडाली.

पुण्याच्या बातम्या वाचण्यासाठी येथे ► क्लिक करा

त्याचप्रमाणे भोसरीतील दिघी रस्त्यावरील गंगोत्री पार्क कॅार्नर, पीसीएमटी चौक, भोसरी गावठाणातील मारुती मंदिर, लांडेवाडीतील महिंद्रा सीआयई कंपनीसमोरील रस्ता, पुणे-नाशिक महामार्गावर लांडेवाडीतील ऐतिहासिक प्रवेशद्वार, पुणे-नाशिक महामार्गाच्या सेवा रस्त्यावरील संत तुकाराम मंगलकार्यालयासमोरील रस्ता, कै. अंकुशराव लांडगे नाट्यगृहाजवळील रस्ता, शांतिनगर कॅालनी क्रमांक एकसमोरील रस्ता,  इंद्रायणीनगरातील संतनगर बस थांबा, एमआयडीसी पोलिस ठाण्यासमोरील रस्ता, संत ज्ञानेश्वर क्रीडा संकुलाजवळील रस्ता तर दिघीतील सह्याद्री कॅालनी क्रमांक तीन समोरील रस्ता आदींसह इतर भागातील रस्त्यावर काही वेळ पावसाचे पाणी साचले होते. त्यामुळे वाहन चालकांना वाहने चालविताना काही वेळ कसरत करावी लागली.  

पुण्याच्या बातम्या वाचण्यासाठी येथे ► क्लिक करा

पावसाला सुरवात झाल्याबरोबर भोसरीतील भोसरी गावठाण, दिघी रस्ता, चक्रपाणी वसाहत,  पीएमटी चौक परिसर तर इंद्रायणीनगरातील पेठ क्रमांक एक व दोन आणि दिघीतीलही काही भागातील वीजपुरवठा खंडीत झालाले वीजपुरवठा एक तासानंतर सुरळीत झाली.