पिंपरी : मोरवाडी चौक (पिंपरी) ते निगडी पर्यंतच्या मेट्रोला दिलेली मान्यता आणि लोकहिताच्या योजना, नवीन घर घेताना घराची नोंदणी महिलेच्या नावाने केल्यास मुद्रांक शुल्कात सवलत देण्याचा निर्णय अंदाजपत्रकात घेतल्याबद्दल महाविकास आघाडी राज्य सरकारच्या अभिनंदनाचा ठराव विरोधी पक्षनेते राजू मिसाळ यांनी महापालिका सर्वसाधारण सभेत मांडला. मात्र, त्यावर सत्ताधारी भाजपने कोणताही निर्णय घेतला नाही. राज्य सरकारचे अभिनंदन करणे टाळले. या अभिनंदन ठरावाला माजी सत्तारूढ पक्षनेते एकनाथ पवार यांनी विरोध केला.
पिंपरी-चिंचवड महापालिकेची फेब्रुवारी महिन्याची तहकूब सभा मंगळवारी आयोजित केली आहे. महापौर उषा ढोरे सभेच्या अध्यक्षस्थानी आहेत. सुरुवातीला विरोधी पक्षनेते राजू मिसाळ यांनी राज्यातील शिवसेना-राष्ट्रवादी काँग्रेस-काँग्रेस या महाविकास आघाडी सरकारच्या अभिनंदनाचा प्रस्ताव मांडला. कारण, पिंपरी ते निगडी मेट्रो मार्गिकेस राज्य मंत्रिमंडळाच्या 10 फेब्रुवारीच्या बैठकीत मान्यता देण्यात आली. यासाठी 946 कोटी 73 लाख एवढा खर्च येणार आहे. या मार्गिकेची लांबी 4.41 किलो मीटर इतकी असून यात 3 स्थानके आहेत. मुख्यमंत्री उद्धव ठाकरे, उपमुख्यमंत्री अजित पवार यांच्या पुढाकाराने मेट्रोला मान्यता मिळाली. तसेच, राज्याचा अर्थसंकल्पात लोकहिताच्या योजना जाहीर केल्या आहेत.
- ताज्या बातम्यांसाठी डाऊनलोड करा ई-सकाळचे ऍप
आरोग्य सुविधेत सुधारणा करण्यासाठी महापालिकेकरिता भरीव तरतूद केली आहे. राजमाता जिजाऊ गृह स्वामिनी योजना त्यांनी जाहीर केली आहे. एक एप्रिलपासून नवीन घर घेताना घराची नोंदणी महिलेच्या नावाने केल्यास मुद्रांक शुल्कात एक टक्के सवलत देऊन येणार असल्याची घोषणा त्यांनी केली.
राज्य सरकारने महिलांचा सन्मान केला आहे. त्यानिमित्त राज्य सरकारचे अभिनंदन करण्याचा प्रस्ताव विरोधी पक्षनेते राजू मिसाळ यांनी मांडला. त्याला विरोध करताना माजी सत्तारूढ पक्षनेते एकनाथ पवार म्हणाले, ''सव्वा वर्षांपासून राज्य सरकार जनतेचे सरकार आहे की नाही असा प्रश्न नागरिकांना पडला आहे. एखादी गोष्ट केली की अभिनंदनाचा प्रस्ताव आणून आपली टिमकी वाजवून घेतात. राज्यात आघाडी नव्हे बिघाडी सरकार आहे.'' यावर राष्ट्रवादी काँग्रेसच्या नगरसेवक आक्षेप घेऊ लागले. त्यावर महापौर ढोरे यांनी पवार यांना खाली बसण्याची सूचना केली. त्यानंतर महापौरांनी अभिनंदन ठरावावर कोणताही निर्णय न घेता पुढील कामकाज सुरू केले
- पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.