पिंपरी : बहिणीशी भांडण करणाऱ्या मुलाला त्याचे वडील रागावल्याने मुलाने साडीच्या सहाय्याने गळफास घेऊन आत्महत्या केली. ही घटना तळवडे रूपीनगर येथे घडली.
प्रणय किशोर भोई (वय 20, रा. रूपीनगर, तळवडे) असे आत्महत्या केलेल्या मुलाचे नाव आहे. रविवारी (ता. 19) सायंकाळी पावणेसातच्या सुमारास प्रणय घरी असताना किरकोळ कारणावरून त्याचे बहिणीशी भांडण झाले. त्यावेळी तेथे असलेल्या वडिलांनी प्रणयला रागावून त्याच्या खोलीत जाण्यास सांगितले. त्यामुळे प्रणय रागात त्याच्या खोलीत गेला.
पिंपरी-चिंचवडच्या बातम्या वाचण्यासाठी येथे ► क्लिक करा
दरम्यान, रात्री उशिरापर्यंत तो जेवायला न आल्याने वडील त्याला बोलविण्यासाठी गेले. आवाज देऊनही त्याने दरवाजा उघडला नाही, तसेच आतून आवाजही दिला नाही. त्यामुळे दरवाजा तोडून आत पाहिले असता प्रणयने साडीच्या सहाय्याने छताच्या पंख्याला गळफास घेतल्याचे उघडकीस आले. उपचारासाठी त्याला तातडीने रुग्णालयात दाखल करण्यात आले. मात्र, उपचारापूर्वीच त्याचा मृत्यू झाला. प्रणय अभियांत्रिकीच्या तिसऱ्या वर्षात शिकत होता. चिखली पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.