वडगाव मावळ (पुणे) : वडगाव नगरपंचायतीच्या उपनगराध्यक्षपदी राष्ट्रवादी कॉंग्रेसचे नगरसेवक चंद्रजित दिनकर वाघमारे यांची मंगळवारी (ता. 11) बिनविरोध निवड झाली. निवडीनंतर समर्थकांनी फटाक्‍यांची आतषबाजी करून आनंदोत्सव साजरा केला. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

नगरपंचायतीच्या यापूर्वीच्या उपनगराध्यक्षा माया चव्हाण यांनी पक्षांतर्गत ठरल्याप्रमाणे नुकताच पदाचा राजीनामा दिला होता. या रिक्त झालेल्या पदाच्या निवडीसाठी पीठासन अधिकारी नगराध्यक्ष मयूर ढोरे यांच्या अध्यक्षतेखाली निवडणूक प्रक्रिया झाली. उपनगराध्यक्षपदासाठी सत्ताधारी महाविकास आघाडीकडून चंद्रजित वाघमारे यांनी, तर भाजपच्या वतीने दिलीप म्हाळसकर यांनी अर्ज दाखल केला होता. निर्धारित वेळेत म्हाळसकर यांनी माघार घेतल्याने उपनगराध्यक्षपदी वाघमारे यांची बिनविरोध निवड झाल्याची घोषणा ढोरे यांनी केली. 

पिंपरी-चिंचवड पुन्हा रेडझोनमध्ये जाण्यामागची कारणं काय? जाणून घ्या

यावेळी मुख्याधिकारी सुवर्णा ओगले, गटनेते राजेंद्र कुडे, दिनेश ढोरे, प्रमिला बाफना, नगरसेवक प्रवीण चव्हाण, राहुल ढोरे, किरण म्हाळसकर, माया चव्हाण, अर्चना म्हाळसकर, सुनील ढोरे, शामराव ढोरे, दशरथ केंगले, पूजा वहिले, पूनम जाधव, सायली म्हाळसकर, शारदा ढोरे, सुनीता भिलारे, दीपाली मोरे यांच्यासह सर्व नगरसेवक उपस्थित होते. निवडीनंतर राष्ट्रवादी कॉंग्रेसचे तालुकाध्यक्ष बबनराव भेगडे, माजी उपसभापती गणेश ढोरे, भाजपचे तालुका प्रभारी भास्करराव म्हाळसकर, सुभाष जाधव, तुकाराम ढोरे, पंढरीनाथ ढोरे, गंगाराम ढोरे, चंद्रकांत ढोरे, सुनील ढोरे, विशाल वहिले, सुदाम कदम, अंकुश आंबेकर, प्रवीण ढोरे, राजेश बाफना, बाळासाहेब गायकवाड, प्रकाश गायकवाड, अफताब सय्यद, अतुल राऊत आदींच्या उपस्थितीत वाघमारे यांचा सत्कार करण्यात आला. 

पुण्याच्या बातम्या वाचण्यासाठी येथे क्लिक करा

शहराच्या विकासासाठी व सहकार्यासाठी भाजपने दिलीप म्हाळसकर यांचा अर्ज मागे घेतल्याचे भास्करराव म्हाळसकर यांनी सांगितले. पक्षभेद विसरून सर्व नगरसेवक शहराचा सर्वांगीण विकास करतील, असा विश्‍वास बबनराव भेगडे यांनी व्यक्त केला. प्रामाणिकपणे व निष्ठेने पक्षकार्य केल्याचे हे फळ असल्याची प्रतिक्रिया वाघमारे यांनी व्यक्त केली.