पिंपरी - पत्नीचा आजार, मुलाचे लग्न व घरातील इतर अडचणी दूर होतील, असे सांगून सहा जणांनी मिळून एकाला सात्विक पुजा घालण्यास सांगत साडेसहा लाखांची फसवणूक केली. हा प्रकार रावेत येथे घडला. याप्रकरणी महाराष्ट्र नरबळी, अमानुष अघोरी प्रथा व जादुटोणा अधिनियमाअंतर्गत गुन्हा दाखल करण्यात आला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

विनेश भिकू पाटणे (वय ५०, रा. रोहा, रायगड), शुभांगी सुरेंद्र मगरे (वय ४०, रा. नाहून), सुनील महादेव घारे (वय ६०, रा. लोणावळा), सुरेंद्र मगरे (रा. नाहूर), राजश्री चाफे (वय ४५, रा. कल्याण), विनोद पांड्या (वय ५५, रा. मुलूड), अशी गुन्हा दाखल झालेल्या आरोपींची नावे आहेत. याप्रकरणी अर्जुन हनुमंत कालेकर (वय ६४, रा. सिल्व्हर पाम ग्रोव्ह सोसायटी, रावेत) यांनी फिर्याद दिली आहे. फिर्यादी यांच्या पत्नीला आजारातून लवकर बरे करू, असे आरोपींनी त्यांना सांगितले. त्यासाठी ९८ हजार रुपये धनादेशाद्वारे तसेच २ लाख २ हजार रुपयांची रोकड वेगवेगळ्या तारखेला घेतली.

राहुल कलाटे यांचा राजीनामा; पिंपरी-चिंचवड शिवसेनेत दोन गट

तुमच्या पत्नीचा आजार, मुलाचे लग्न व घरातील इतर अडचणी दूर होतील. त्यासाठी रत्ने व पैडल करून त्याची सात्विक पद्धतीने पूजा करून देतो, असे सांगून आरोपींनी फिर्यादी कालेकर यांचा विश्वास संपादन केला. पैडल व रत्ने यासाठी साडेतीन लाख रुपये रोख घेतले. मात्र, त्याचा कोणताही परिणाम न जाणवल्याने फिर्यादी यांनी पैसे परत मागण्यासाठी आरोपींशी संपर्क साधून विचारणा केली. मात्र, आरोपींनी टाळाटाळ करून त्यांची साडेसहा लाख रुपयांची फसवणूक केली. फिर्यादी यांनी पोलिसांकडे तक्रार अर्ज दिला होता. त्या अर्जावरून गुन्हा दाखल केला आहे. देहूरोड पोलिस अधिक तपास करीत आहेत. 

Edited By - Prashant Patil