पिंपरी : ग्रेड सेपरेटरमध्ये डांबरीकरणाचे काम सुरू झाल्याने मुख्य रस्त्यावरून वाहतूक वळविण्यात आली. मात्र, वाहतूक कोंडी झाल्याने अनेक जण त्यात अडकून पडले.

- ताज्या बातम्यांसाठी डाऊनलोड करा ई-सकाळचे ऍप

निगडीच्या दिशेने जाताना ग्रेड सेपरेटरमध्ये दुपारपासून डांबरीकरणाचे काम सुरू झाले. त्यामुळे खराळवाडीतून पिंपरीच्या दिशेने मुख्य रस्त्यावर वाहतूक वळविण्यात आली होती. त्यातच पिंपरी चौकात बेशिस्त वाहतुकीमुळे कोंडीमध्ये आणखी भर पडली. कोंडीतून सुटका करून घेण्यासाठी काही वाहनचालक बीआरटीमधून जात होते. त्यावेळी एक कार मध्येच बंद पडली. त्यामुळे बीआरटीमध्येही कोंडी झाली.

- पिंपरी-चिंचवडच्या बातम्या वाचण्यासाठी येथे ► क्लिक करा

तसेच, मोरवाडीमध्ये सिग्नल चालू असल्याने रस्त्यावर मोठ्या प्रमाणात वाहनांची कोंडी झाली. ग्रेड सेपेरेटर बंद असल्याने वाहनचालक व प्रवासी हैराण झाले होते.