कामशेत (ता. मावळ, जि. पुणे) : दुपारी अडीच वाजताची वेळ. खडकाळा प्राथमिक आरोग्य केंद्रात. रुग्णांची तपासणी औषधोपचारांसाठी लगबग. डॉक्टर नर्स आपल्या कामात व्यस्त. कोरोनाची माहिती अपडेट करून वरिष्ठ कार्यालयाला सादर करायची म्हणून फोनाफोन सुरू. जो-तो आपल्या कामात बिझी. रोज वाढणाऱ्या कोरोनाच्या रूग्णसंख्येने प्रशासनावर काहीसा ताण. यावर उपाययोजनांबाबत त्यांचे खुलासे आणि प्रयत्न सुरू असतानाच. साहेब, परवा माझी कोरोना टेस्ट पॉझिटिव्ह आली होती. आता मला कसला ही कशाचाही त्रास होत नाही. आज परत माझी कोरोना टेस्ट करा, असे सांगत एकजण आरोग्याधिकारी डॉ. अनिल गिरी यांच्या दालनाबाहेर उभा होता. 

टेस्ट परवा पॉझिटिव्ह आली आणि हा परत ही टेस्ट करायला आलाच कसा? या विचाराने डॉक्टर चक्रावले. त्यांनी त्या ‘महाशयां’ना समजून सांगण्याचा प्रयत्न केला. पण ते आपल्याच तोऱ्यात. नागरिकांच्या बेफिकीरपणाचे उत्तम उदाहरण म्हणता येईल. तीन दिवसांपूर्वी टेस्ट केली हे महाशय पॉझिटिव्ह आहेत तरी आरोग्य केंद्रात दाखल. ते घरापासून दवाखान्यात येईपर्यंत आणि माघारी जाईपर्यंत किती जणांच्या संपर्कात आले असतील याचा विचार करणे गरजेचे आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आरोग्य केंद्रात आशा वर्कर्स, अंगणवाडी सेविका, रुग्ण, आरोग्य कर्मचारी यांचे येणे-जाणे आलेच. माझी टेस्ट करा हे आरोग्याधिकाऱ्यांना सांगायला येण्यापूर्वी हा बहादर आरोग्य केंद्रातील इतर कर्मचाऱ्याकडे जाऊन आला होता, ते ऐकत नाही म्हणून तो आरोग्यधिकाऱ्यांकडे आला होता. डॉ. अनिल गिरीने सुरुवातीला समजावून सांगितले, तोही ऐकून घेण्याच्या मनःस्थितीत दिसेना. तेव्हा त्याला चांगलेच सुनावले. कोरोना पॉझिटिव्ह असूनही गाव फिरणाऱ्या अशा बहाद्दराना कसा आळा बसवायचा. पण यासारखे अनेकजण आहेत जे कोरोना पॉझिटिव्ह असतानाही बेफिकिरीने वागत आहे.