पिंपरी : 'प्रसिद्धी व राजकीय लाभासाठी काही राजकीय मंडळी कोरोना संसर्ग झालेल्या नागरिकांचा खुबीने वापर करून घेत आहेत. तर, काही मंडळी कायदा पायदळी तुडवत असल्याचे स्पष्ट झाले आहे. मात्र, पोलिसांनी गुन्हा दाखल केल्यावर आम्ही नाही त्यातले अशी भूमिका घेतली जात आहे. 

ताज्या बातम्यांसाठी डाऊनलोड करा ई-सकाळचे ऍप

आजपर्यंत दोन माजी महापौरांविरुद्ध गुन्हा दाखल झाला आहे. संचारबंदी काळात मॉर्निंग वॉक करणारे माजी महापौर आर. एस. कुमार आणि जमावबंदी आदेशाचा भंग केल्याप्रकरणी माजी महापौर व विद्यमान नगरसेविका मंगला कदम यांच्या विरुद्ध गुन्हा दाखल झाला आहे. चिंचवड-संभाजीनगर परिसरातील एका महिलेसह त्यांच्या पतीला कोरोनाची बाधा झाली होती. चौदा दिवस उपचारानंतर त्यांचे रिपोर्ट निगेटिव्ह आले आणि रुग्णालयातून डिस्चार्ज मिळाला. त्यांच्या स्वागतासाठी गर्दी जमवून सोशल डिस्टसिंगचा नियम पायदळी तुळवला. 

पुण्याच्या बातम्या वाचण्यासाठी येथे ► क्लिक करा

जमावबंदी व संचारबंदीचा आदेशाचा भंग केला, असा ठपका माजी महापौर कदम यांच्यासह अमेय सुधीर नेरुरकर, कल्पेश गजानन हाने, संतोष शिवाजी वराडी (सर्व रा. संभाजीनगर, चिंचवड) यांच्यावर ठेवण्यात आला आहे. मात्र, कदम यांनी खंडण केले आहे, त्यांच्या मते, ''मी कुणालाही बोलवलं नव्हतं. मी रॅली काढली नाही. कुणाला ढोल वाजवायला सांगितले नाही.जे काही आहे ते नागरिकांकडून उत्स्फूर्तपणे झालेलं आहे. जमावबंदीच उल्लंघन केलेले नाही.''