पिंपरी : लॉकडाउनमुळे भाविकांना सलग तीन संकष्ट चतुर्थीच्या दिवशी चिंचवड येथील मोरया गोसावी समाधी मंदिर बंद असल्याने 'श्रीं'चे दर्शन घेता आले नाही. 
दर महिन्याच्या संकष्ट चतुर्थीला राज्याच्या अनेक भागांतून नागरिक या मंदिरात दर्शनासाठी येत असतात. मात्र, लॉकडाउनमुळे सरकारच्या आदेशानुसार मंदिरे बंद आहेत. 

ताज्या बातम्यांसाठी डाऊनलोड करा ई-सकाळचे ऍप     

केंद्र सरकारने आता प्रार्थनामंदिरे सुरू करण्यास परवानगी दिली आहे. मात्र, राज्य सरकारने अद्याप परवानगी दिलेली नाही. त्यामुळे मंदिरे सुरू झालेली नाहीत. संकष्टी चतुर्थीला 'श्रीं'चे दर्शन घेण्यासाठी मोठी गर्दी असते. परिसरात विविध वस्तूंच्या विक्रीची दुकाने थाटलेली असतात. दर्शनासाठी बराच वेळ भाविकांना रांगेत थांबावे लागते. 

पिंपरी चिंचवडच्या बातम्या वाचण्यासाठी येथे ► क्लिक करा

आज (सोमवार) मात्र, तशी स्थिती नव्हती. भाविक थोड्या थोड्या वेळाच्या अंतराने येत मंदिराबाहेर उभारलेल्या बॅरिकेडजवळ उभे राहून दर्शन करून लगेच जात होते. चिंचवड देवस्थान ट्रस्टच्या वतीने मंदिर बंद असल्याचा रीतसर फलकही लावण्यात आलेला आहे.

पुण्याच्या बातम्या वाचण्यासाठी येथे ► क्लिक करा