पिंपरी : परराज्यातील व्यक्तींना मूळ गावी जाण्यासाठी आवश्‍यक असलेल्या परवान्याकरिता वैद्यकीय प्रमाणपत्राची अट घालण्यात आली आहे. या प्रमाणपत्रासाठी हजारो परप्रांतीय नागरिकांनी गर्दी केली आहे. परिणामी महापालिकेच्या कै. यशवंतराव चव्हाण स्मृती रुग्णालयाबाहेर रांगाच रांगा पाहायला मिळत आहेत.

ताज्या बातम्यांसाठी डाऊनलोड करा ई-सकाळचे ऍप

लॉकडाउनमुळे अडकलेल्या परराज्यातील मजूर, कामगार व विद्यार्थ्यांना त्यांच्या मूळ गावी पाठवले जाणार आहे. त्याकरिता पूर्वपरवानगी आवश्‍यक असून, ती पोलिसांमार्फत दिली जात आहे. त्यानुसार स्थानिक पोलिस ठाण्यामार्फत अर्जाचे वाटप करण्यात आले. त्या अर्जासोबत संबंधितांना वैद्यकीय दाखला जोडण्यास सांगण्यात आला आहे. त्यानुसार अर्ज हाती लागताच अनेकांनी पहाटेपासूनच परिसरातील महापालिकेच्या रुग्णालयाबाहेर गर्दी केली आहे. 

वायसीएम रुग्णालयाच्या आवारात अर्धा किलोमीटरपर्यंत रांगा लागल्या होत्या. अशीच गर्दी रविवारी (ता. 3) देखील पाहायला मिळाली. याठिकाणी नागरिकांसाठी पिण्याची पाण्याची सोय केली आहे. ठिकठिकाणी प्रमाणपत्र देण्यासाठी काउंटर तयार केले आहेत. या अर्जासोबत नागरिकांना फ्लूचे लक्षणे नाहीत असा मजकुराचे वैद्यकीय प्रमाणपत्र देण्यात येत आहे. सुरक्षा रक्षकाकडून सोशल डिस्टंन्सिंग ठेवण्याच्या सूचना देण्यात येत आहेत. मात्र, हे कोविड रुग्णालय असल्याने नागरिकांनी याठिकाणी गर्दी करणे अनपेक्षित आहे. 

पिंपरी चिंचवडच्या बातम्या वाचण्यासाठी येथे ► क्लिक करा

प्रमाणपत्र वाटपाचे अतिरिक्त कामाचा ताण या यंत्रणेवर पडला आहे. कारण पुढील दिवसांत ही गर्दी अधिकच वाढण्याची शक्‍यता व्यक्त होत असल्याने शहरातील खासगी रुग्णालयातून परगावी जाणाऱ्या नागरिकांनी प्रमाणपत्र घेणे आवश्‍यक आहे. त्यांनी खासगी रुग्णालयांनी सहकार्य करणे आवश्‍यक असल्याचे वैद्यकीय अधिकाऱ्यांनी सांगितले.

पिंपरी चिंचवडच्या बातम्या वाचण्यासाठी येथे ► क्लिक करा

खासगी दवाखान्यातून घेऊ शकता प्रमाणपत्र
कोरोनामुळे दीड महिन्यांपूर्वीच काही डॉक्‍टरांनी दवाखाने बंद ठेवले आहेत. यामुळे प्रत्येक विभागात मोजकेच दवाखाने सुरू आहेत. परप्रांतीय नागरिकांना त्या ठिकाणी स्वत:ची तपासणी करून घेऊन दाखला मिळू शकतो.