भोसरी : लॅाकडाउनंतर आणि तीन महिन्यांच्या प्रतीक्षेनंतर पिंपरी-चिंचवड परिसरातील सलूनची दुकाने पुन्हा सुरू झाल्याने सलून व्यावसायिकांसह नागरिकांनीही आनंद साजरा केला. भोसरीतील काही सलून व्या
वसायिकांनी केस कर्तनासाठी येणाऱ्या पहिल्या ग्राहकाचे गुलाब पुष्प देऊन स्वागत केले. त्याचप्रमाणे कोरोना व्हायरसचा संसर्ग वाढू नये, यासाठी सलून व्यावसायिकांद्वारे खबरदाराही घेण्यात येत आहे.  

तीन महिन्यांनंतर सलूनची दुकाने सुरू करण्यात आल्याने केस कर्तनासाठी नागरिकांनी सलून दुकानासमोर गर्दी केली होती. सलून व्यावसायिकांनी केस कर्तनासाठी येणाऱ्या ग्राहकांना सॅनिटायझ केले. त्याचप्रमाणे सलूनचेही सॅनिटायझिंग वेळोवेळी करण्यात येत होते. त्यामुळे ग्राहकांनी समाधान व्यक्त केले आहे.

ताज्या बातम्यांसाठी डाऊनलोड करा ई-सकाळचे ऍप   

भोसरीतील एका सलूनमध्ये केस कर्तनासाठी आलेल्या एका ग्राहकाने सांगितले, की सलून बंद असल्याने तीन महिन्यात वाढलेले केस कसे कापावेत हा प्रश्न निर्माण झाला होता. घरात दाढी करता येत होती. मात्र, केस कापता येत नव्हते. त्यामुळे टक्कल करण्याशिवाय पर्याय उरला नव्हता. त्यातही टक्कल करताना वस्तरा लागण्याची भीती होती. त्यामुळे टक्कलही केले नाही. आता सलून सुरू झाल्याने केस कर्तनाचा प्रश्न मार्गी लागला आहे. त्यामुळ समाधानी आहे. भोसरीतील काही सलून व्यावसायिकांनी सलूनमध्ये येणाऱ्या पहिल्या ग्राहकाचे गुलाब पुष्प देऊन स्वागत केले. पहिल्या दिवशी सलून व्यावसायिकांनी कोरोना व्हायरसचा संसर्ग होऊ नये यासाठी सर्व खबरदारी घेतली होती. ही खबरदारी पुढेही सलून व्यावसायिकांनी अशीच ठेवण्याची गरज असल्याचे एका ग्राहकांने सांगितले.  

पिंपरी चिंचवडच्या बातम्या वाचण्यासाठी येथे ► क्लिक करा

भोसरी, दिघी, वडमुखवाडी, इंद्रायणीनगर आदी परिसरात सुमारे सव्वादोनशे सलून व्यावसायिक आहेत. सलग तीन महिने सलून व्यवसाय बंद असल्याने सलून व्यावसायिक आर्थिक अडचणीत आले होते. या आर्थिक विवंचनेतून पुणे, पिंपरी चिंचवड परिसरात काही सलून व्यावसायिकाद्वारे आत्महत्त्या करणाचेही प्रयत्न करण्यात आला होता. तर सलून व्यावसायिकांनी सलूनची दुकाने सुरू करण्यासाठी राज्य सरकारने परवानगी द्यावी. यासाठी आंदोलनही केले होते. राज्य सरकारने रविवारपासून (ता. २८) सलूनची दुकाने सुरू करण्याची परवानगी दिल्याने गेल्या दोन दिवसांपासून सलूनची दुकानाची साफसफाई करण्याचे काम हाती घेण्यात आले होते.    

पुण्याच्या बातम्या वाचण्यासाठी येथे ► क्लिक करा
       

राज्य सरकारने सलूनची दुकाने सुरू करण्यासाठी घेतलेल्या निर्णयामुळे सलून व्यावसायिकांच्या रोजीरोटीचा प्रश्न सुटला आहे. मात्र, राज्य सरकारने फक्त केस कर्तनालाच परवानगी दिली आहे. राज्य सरकारने नियमावलीसह अटी-शर्ती घालून दाढी करण्याचीही परवानगी देणे गरजेचे आहे. सलूनची दुकाने सुरू झाल्याने कोरोना व्हायरसचा संसर्ग होऊ नये, यासाठी खबरदारी घेण्याचेही आवाहन सर्व सलून व्यावसायिकांना करण्यात आले आहे.

- पुंडलिक सैंदाणे, जिल्हा सरचिटणीस, महाराष्ट्र नाभिक संघ पुणे