देहू : कोरोनाच्या पार्श्वभूमीवर सध्या उद्योगधंदे बंद आहेत. तर सरकारी कार्यालयातही कामकाज बंद आहे. त्यामुळे अनेक ठिकाणी आर्थिक परिस्थिती नाजूक होत असून, कामगारांना पगार करण्यासाठी प्रशासनाकडे पैसे शिल्लक नाहीत. त्यातलाच एक प्रकार म्हणजे देहूरोड कँटोन्मेंट बोर्डाची सध्याची आर्थिक परिस्थिती हलाखीची असून, चालू मे महिन्याचा पगार होतो की नाही ,अशी परिस्थिती निर्माण झालेली आहे.

ताज्या बातम्यांसाठी डाऊनलोड करा ई-सकाळचे ऍप        

देहूरोड कँटोन्मेंट बोर्ड प्रशासनाने आपल्या सर्व विभागातील प्रमुखांना मे महिन्याचे वेतन होणार नाही. त्यामुळे जवळील शिल्लक असलेली रक्कम जपून वापरा, असे लेखी पत्र दिलेले आहे. जीएसटी लागू झाल्याने केंद्राने अद्याप कँटोन्मेंट बोर्डाला जीएसटीची रक्कम दिलेली नाही. त्यातच लष्कराच्या विविध विभागाकडूनही सेवाकराची रक्कम बोर्ड प्रशासनाला मिळालेली नाही. सध्या बोर्डाचे उत्पन्न वाहन प्रवेशकरातून मिळत होते. मात्र, दोन महिने होत आले आहे. 

पिंपरी चिंचवडच्या बातम्या वाचण्यासाठी येथे ► क्लिक करा

महामार्गावरील वाहने बंद असल्याने त्यातून मिळणारे वाहन प्रवेशकराचे पैसेही मिळत नाही. एकूणच बोर्डाच्या तिजोरीत खणखणाट झालेला आहे. या बाबत बोर्डाचे मुख्य कार्यकारी अधिकारी रामस्वरुप हरितवाल यांनी बोर्डाच्या सर्व विभागांना पत्र लिहिले आहे. त्यात बोर्डाची आर्थिक परिस्थिती नाजूक असल्याचे म्हटले आहे. तसेच त्यामुळे मे महिन्याचा पगार हा वरिष्ट पातळीवरून अनुदान आल्यानंतरच होऊ शकतो. त्यामुळे सर्व विभाग प्रमुखांनी आपल्या विभागातील कामगारांच्या निदर्शनास ही बाब आणून द्यावी. तसेच बचत करण्याचे संकेत द्यावेत.