पिंपरी : सतेज पाटील हे पन्नाशीला पोहचले तरी काँग्रेसने अजूनही त्यांना राज्यमंत्रीच ठेवलय हे आपल्याला समजतच नाही, जस आम्हाला पवार साहेबांनी ३८, ४० वय असताना कबिनेट पद दिली तसा सतेज पाटील यांचा विचार व्हावा, असे वक्त्यव्य उपमुख्यमंत्री अजित पवार यांनी आकुर्डी येथे केले.

आकुर्डी येथील डी. वाय. पाटील ज्ञानशांती स्कूलच्या उद्घाटनप्रसंगी अजित पवार व गृह राज्यमंत्री सतेज पाटील एकाच व्यासपीठावर होते. त्यावेळी, पवार म्हणाले कि, राज्यमंत्री व कॅबिनेट मंत्रसिन्हाय अधिकारात खूप फरक असतो. त्यामुळे नवीन पिढीला पुढे आणण्यासाठी शरद पवार यांनी आम्ही अडोतीस, चाळीस वर्षांचे असताना मला, आर. आर. पाटील, जयंत पाटील, दिलीप वळसे पाटील यांना कॅबिनेट पद दिली.

तरुणांमध्ये धाडस, व्हिजन असते. चांगल्यातले चांगले घडले पाहिजे. या दृष्टीने आम्ही सर्वानी काम केले. त्याप्रमाणे सतेज पाटील, विश्वजित कदम हे काम करतात. शेवटी राज्यमंत्री व कॅबिनेट मंत्र्यांच्या अधिकारात खूप फरक असतो. आपण दोन्ही ठिकाणी काम केलेले आहे. त्यामुळे राज्यमंत्र्यांनी एखादा निर्णय घेतला तरी जोपर्यंत कॅबिनेट मंत्री त्यांना मनमोकळेपणाने सपोर्ट करीत नाहीत. तो पर्यंत त्यांना योजना राबविता येत नाही