मुंबईतील साकीनाकामध्ये झालेल्या बलात्कार प्रकरणानंतर राज्यातील महिला सुरक्षेचा प्रश्न पून्हा एकदा समोर आला आहे. या धक्कादायक घटनेनंतर आणखी एक काळीज लाजीर्वाणी घटना समोर आली आहे. सुनेचा लैंगिक छळ करत, कोंबडीचे रक्त प्यायला लावल्याची विचित्र घटना समोर आली आहे. एका स्वयंघोषित साधूच्या सांगण्यावरुन सासऱ्यांकडून हा सर्व प्रकार समोर आल्याचे समजते आहे. पुण्याच्या भोसरी पोलिस स्थानकात या प्रकरणी गुन्हा नोंदवण्यात आला आहे.
कोंबडीचे रक्त प्यायला सांगणारा सासरा आणि पतीविरोधात या ३३ वर्षीय महिलेने पोलिसात धाव घेतली आहे. पती नपुंसक असल्याची माहिती सासरकडच्यांनी आपल्यापासून लपवल्याची माहिती पिडीतेने दिली आहे. तसेच जेव्हा आपल्याला पतीच्या नपुंसकतेबद्दल कळले तेव्हा आपण नातेवाईकांना याबद्दल सांगितले. त्यानंतर सासरच्या लोकांनी आपल्यावर शारीरिक अत्याचार केल्याचा आरोप करण्यात आला आहे.
दरम्यान, या घटनेतील पिडीता गेल्या चार महिन्यांपासून पतीपासून वेगळे राहत आहे. तक्रारीमध्ये केलेल्या सर्व आरोपांची चौकशी करण्यात येणार असून, या प्रकरणात आम्ही दोघांना अटक केली असल्याची माहिती, भोसरी पोलीस ठाण्याचे निरीक्षक जितेंद्र कदम यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.