पिंपरी : अल्पवयीन मुलीला झुम ऍपवर अश्‍लील मेसेज केले. यासह तिला जिवे मारण्याची धमकी देत आत्महत्या करण्यास प्रवृत्त करण्याच्या उद्देशाने आत्महत्या करण्याची धमकी दिली जात असल्याचा प्रकार समोर आला आहे. 

याबाबत मुलीच्या आईने भोसरी एमआयडीसी पोलिस ठाण्यात तक्रार दिली असून अज्ञात व्यक्तीविरोधात गुन्हा दाखल झाला आहे. दरम्यान, मुलीसंबंधी तिचे वडील आणि मुख्याध्यापकांच्या मेलवर देखील अश्‍लील मेसेज असल्याचं पोलिसांनी सांगितले आहे. 

पुण्याच्या बातम्या वाचण्यासाठी येथे क्लिक करा 

कोरोनाच्या वाढत्या प्रादुर्भावामुळे पीडित मुलगी ऑनलाईन शिक्षण घेत आहे. यादरम्यान आरोपी पीडित मुलीला झूम ऍपवर अश्‍लील मेसेज पाठवित जीवे मारण्याची धमकी दिली. यासह तिला आत्महत्या करण्याची धमकी देत आत्महत्या करण्यास प्रवृत्त केले जात असल्याचीही धक्कादायक प्रकार समोर आला आहे. या प्रकरणामुळे पालक भीतीच्या सावटाखाली आहेत. 

यासह अल्पवयीन मुलीच्या वडिलांच्या आणि मुलगी शिक्षण घेत आहे तेथील मुख्याध्यापक यांच्या मेलवर देखील आरोपीने मुलीसबंधी अश्‍लील मेसेज पाठविले आहेत. याप्रकरणी भोसरी एमआयडीसी पोलिसांनी स्त्री अत्याचार व माहिती तंत्रज्ञान अधिनियमांतर्गत गुन्हा दाखल करुन तपास सुरू केला आहे.

हे ही वाचा : काचा फोडण्याच्या घटनांमुळे नागरिकांमध्ये पसरले आहे दहशतीचे वातावरण