RTO-Pimpri-Chinchwad
RTO-Pimpri-Chinchwad 
पिंपरी-चिंचवड

'ड्रायव्हिंग टेस्ट' देऊनही पाच हजार जण तीन महिन्यांपासून प्रतीक्षेत

सकाळवृत्तसेवा

पिंपरी - उपप्रादेशिक परिवहन कार्यालयाकडून तीन महिन्यांपासून वाहनचालक परवाने टपालाने पाठविले गेले नाहीत. त्यामुळे "ड्रायव्हिंग टेस्ट' देऊनही पाच हजार जणांच्या हातात परवाने पडलेले नाहीत. रस्त्यावर वाहतूक पोलिसांकडून वाहन तपासणी सुरू असल्याने गाडी चालवायची कशी? असा प्रश्‍न सध्या या वाहन चालकांना पडला आहे.

- पुण्याच्या बातम्या वाचण्यासाठी येथे ► क्लिक करा

आरटीओकडून वाहन चालवण्याचा पक्का परवाना, वाहनाचे नोंदणीपत्र टपाल विभागाच्या स्पीड पोस्टाने घरपोच पाठवले जाते. त्यासाठी टपाल खर्च म्हणून प्रत्येकी पन्नास रुपये स्वतंत्र आकारले जातात. कार्यालयात दररोज सुमारे एक हजार जणांची सर्व प्रकारच्या परवान्यासाठी नोंद होते. त्यात 300 ते 400 नागरिक वाहन चालविण्याचा परवाना काढण्यासाठी कार्यालयात येत असतात. चालकाने "टेस्ट' दिल्यानंतर आठ ते दहा दिवसात पोस्टाने परवाना मिळणे अपेक्षित आहे. परंतु गेल्या तीन महिन्यांपासून अनेकांच्या हातात परवाना मिळालेला नाही. अनेकजण टपाल कार्यालयाच्या फेऱ्या मारत आहेत. अनेकजण दिवसांतून दहा-दहा वेळा फोन करीत आहेत.

रस्त्यावर वाहतूक पोलिसांकडून सतत तपासणी मोहीम सुरू असते. ज्यांच्याकडे परवाने नाहीत त्यांच्यावर दंडात्मक कारवाई करण्यात येत आहे. पावती दाखवूनही पोलिसांकडून सूट मिळत नाही. आरटीओच्या नियोजनशून्य कारभाराचा फटका आम्हाला का? असा प्रश्‍न निगडीतील वाहनचालक सुहास जाधव यांना पडला आहे.

'मनुष्यबळाचा अभाव असल्याने अद्याप पाच हजार परवाना टपालाने पाठवायचे काम बाकी राहिले आहे. येत्या आठवडाभरात ते पाठविण्यात येतील. सुटीदिवशी परवाना काढण्यासाठी नोंद केली जात असल्याने संख्या वाढत आहे.'
- अतुल आदे, उपप्रादेशिक परिवहन अधिकारी पिंपरी-चिंचवड

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Amit Shah Fake Video Case : झारखंड काँग्रेसचं एक्स अकाऊंट सस्पेंड; अमित शाह व्हिडीओ प्रकरणात मोठी कारवाई

Daily Rashi Bhavishya : आजचे राशिभविष्य - 02 मे 2024

IPL 2024, CSK vs PBKS: पंजाब किंग्सने करून दाखवलं, चेन्नईला सलग पाचव्यांदा हरवलं

ग्रीन नोबेलचा मानकरी

Google Error : गुगल डाऊन! जगभरातील युजर्स त्रस्त; अमेरिकेतून 1400 तक्रारी

SCROLL FOR NEXT