पिंपरी : पिंपरी-चिंचवड महापालिकेने निगडीतील भक्ती-शक्ती चौकालगत १०७ मीटर उंचीचा ध्वजखांब उभारला आहे. मात्र, वाऱ्याचा अतिवेग व पाऊस यामुळे ध्वजाचे नुकसान होऊ नये, यासाठी जून ते सप्टेंबर या चार महिन्यांत खांबावर ध्वज फडकवला जाणार नाही. केवळ स्वातंत्र्य दिनानिमित्त पंधरा ऑगस्ट रोजी ध्वजवंदन केले जाणार आहे. 

ताज्या बातम्यांसाठी डाऊनलोड करा ई-सकाळचे ऍप    

महापालिकेने निगडीतील भक्ती-शक्ती चौकालगत १०७ मीटर उंचीचा वैशिष्ट्येपूर्ण राष्ट्रीय ध्वज फडकविण्यासाठी खांब उभारला आहे. मात्र, सहा सप्टेंबर २०१८ च्या महापालिका सभेच्या निर्णयानुसार केवळ एक ऑक्टोबर ते ३१ मे या आठ महिने कालावधीतच ध्वज फडकविण्यास मान्यता दिलेली आहे. 

पिंपरी चिंचवडच्या बातम्या वाचण्यासाठी येथे ► क्लिक करा

मात्र, एक जून ते ३० सप्टेंबर या कालावधीत पावसाळा असतो. तसेच, हवेचा वेग अधिक असतो. त्यामुळे या कालावधीत राष्ट्रध्वज न फडकविण्याचा निर्णयही महापालिकेने घेतला आहे. त्यामुळे पंधरा ऑगस्ट व्यतिरिक्त तीस सप्टेंबरपर्यंत राष्ट्रध्वज फडकविण्यात येणार नाही, अशी माहिती महापालिका आयुक्त श्रावण हर्डीकर यांनी दिली.

पुण्याच्या बातम्या वाचण्यासाठी येथे ► क्लिक करा