देहू (पुणे) : देहूरोड कँटोन्मेंट बोर्डाच्या हद्दीत दिवसेंदिवस कोरोना रुग्ण वाढत आहेत. त्यात शुक्रवारी (ता. 3) एका कोरोनाबाधिताचा मृत्यू झाला आहे. त्यामुळे देहूरोड कँटोन्मेंट बोर्डाच्या प्रशासनाने बोर्डाच्या हद्दीत येत्या 5 जुलै ते 8 जुलैपर्यत चार दिवसांचा लॅाकडाउन करण्याचा निर्णय घेतला आहे. केवळ दूध, मेडिकल, सरकारी कार्यालय, बॅंक, गॅस एजन्सी, पेट्रोल पंप सुरु राहणार आहे. नागरिकांनी विनाकारण बाहेर पडू नये, असे आवाहन बोर्ड प्रशासनाने केले आहे. 

ताज्या बातम्यांसाठी डाऊनलोड करा ई-सकाळचे ऍप   

बोर्डाच्या हद्दीत सध्या 14 रुग्ण कोरोनाबाधित आहेत. तर 10 जणांना रुग्णालयातून सोडण्यात आले आहे. तर एका रुग्णाचा मृत्यू झाला आहे. त्यामुळे खबरदारी म्हणून बोर्ड प्रशासन आणि सर्व सदस्यांनी चार दिवस देहूरोड बाजारपेठ बंद ठेवण्याचा निर्णय घेतलेला आहे. रविवारपासून (ता. 5) ते बुधवारपर्यंत (ता. 8) बंद ठेवण्याचा निर्णय घेतलेला आहे.

पिंपरी चिंचवडच्या बातम्या वाचण्यासाठी येथे ► क्लिक करा

केवळ सकाळी 6 ते 10 यावेळेत दूधविक्री सुरु राहणार आहे. तर मेडिकल, बॅंक, पेट्रोल पंप सुरु राहणार आहेत. भाजीमंडई पूर्णपणे बंद राहणार आहे, असे बोर्डाचे मुख्य कार्यकारी अधिकारी रामस्वरुप हरितवाल यांनी प्रसिद्धीपत्रकात म्हटले आहे. बोर्डाच्या वैद्यकीय अधिकारी डॅा. सुनिता जोशी यांनी सांगितले, बोर्डाच्या हद्दीत एकूण 25 रुग्ण आहेत. त्यापैकी 14 अॅक्टीव्ह आहेत. तर एकाचा मृत्यू झालेला आहे.10 रुग्णांना डिस्चार्ज देण्यात आलेला आहे.

पुण्याच्या बातम्या वाचण्यासाठी येथे ► क्लिक करा