पिंपरी : तातडीने मदत पोहोचविण्यासाठी गस्तीवर पोलिस कर्मचारी महत्वाची भूमिका बजावीत असतात. गस्तीवरील पोलिसांचे लोकेशन समजावे यासाठी पिंपरी-चिंचवड पोलिसांनी 'पीसीपी सिटी हॉटस्पॉट' हे अॅप्लिकेशन तयार केले आहे. या माध्यमातून केवळ एका क्‍लिकवर संबंधित कर्मचाऱ्याने रात्रपाळीतील गस्तीदरम्यान किती ठिकाणे तपासली यासह सध्या गस्त घालत असलेले ठिकाण काही क्षणात वरिष्ठांना समजत आहे. 

ताज्या बातम्यांसाठी डाऊनलोड करा ई-सकाळचे ऍप

अडचणीत असलेल्या व्यक्तीला तातडीने मदत मिळावी यासह कायदा-सुव्यवस्था कायम राहण्याच्या दृष्टीने चोवीस तास गस्त सुरू ठेवली जाते. यासाठी गस्तीवरील पोलिस सर्वत्र फिरत असतात. नियंत्रण कक्षाला फोन आल्यास अवघ्या आठ ते दहा मिनिटांत ते त्याठिकाणी पोहोचतात. मात्र, पूर्वी गस्तीदरम्यान या कर्मचाऱ्यांनी कुठे भेट दिली, किती ठिकाणे तपासली यासह संबंधित कर्मचारी सध्या कुठे आहे. याबाबत वरिष्ठांना अपेक्षित अशी माहिती मिळत नव्हती. यासाठी आयुक्तालयाकडून पिंपरी-चिंचवड पोलिस सिटी हॉटस्पॉट (पीसीपी सिटी हॉटस्पॉट) हे स्वतंत्र ऍप तयार करण्यात आले आहे. यामध्ये शहरातील संवेदनशील व महत्वाची ठिकाणे अॅड केलेली आहेत. 

पिंपरी-चिंचवड पोलिसांसाठी हे तीन दिवस ठरले...

कर्मचाऱ्याच्या मोबाईलमध्ये ऍप डाउनलोड करण्यात आले आहे. दरम्यान, संबंधित रात्रपाळीच्या कर्मचाऱ्यांनी एटीएम सेंटर, बॅंका, सोसायट्या, ज्वेलर्सची दुकाने अशा पॉईंटवर गेल्यानंतर अॅपमधील लोकेशनवर क्‍लिक केल्यास कर्मचाऱ्याच्या लोकेशनची माहिती तातडीने संबंधित पोलिस ठाण्यासह आयुक्तालयाला समजत आहे. यामुळे संबंधित कर्मचाऱ्याने त्याठिकाणी भेट दिल्याबाबतचीही खात्री होत असल्याचे दिसून येत आहे. 

पिंपरी चिंचवडच्या बातम्या वाचण्यासाठी येथे ► क्लिक करा

गस्ती वाढली 

दोन-तीन महिन्यांपूर्वी एटीएम चोऱ्यांमध्ये वाढ झाली होती. या पार्श्‍वभूमीवर एटीएम सेंटर, बॅंका, सोसायट्या, ज्वेलर्सची दुकाने अशा संवेदनशील ठिकाणी रात्रीच्यावेळी वारंवार भेट देण्याबाबत वरिष्ठांकडून कर्मचाऱ्यांना सांगितले जात आहे. अशातच अॅप्लीकेशन कार्यान्वीत केल्याने गस्तीमध्येही वाढ झाली आहे.