लोणावळा : भुशी येथील रेशन दुकानदाराच्या वतीने नागरिकांना अरेरावी करण्यात येत असून, शिधापत्रिकाधारक नागरिकांना अन्नधान्य वितरीत होत नसल्याची तक्रार शिवसेनेच्या स्थानिक नगरसेविका कल्पना आखाडे यांनी केली आहे. 

ताज्या बातम्यांसाठी डाऊनलोड करा ई-सकाळचे ऍप   

कोरोना संकटाच्या काळात नागरिकांना मदत करण्याचे शासनाचे आदेश असूनदेखील रेशन दुकानदारांची मनमानी सुरू आहेत, असा आरोप करत आखाडे यांनी मावळचे तहसीलदार मधुसूदन बर्गे यांच्याकडे तक्रार केली होती. या पार्श्वभूमीवर नायब तहसीलदार रावसाहेब चाटे, पुरवठा निरीक्षक, भुशी गावचे तलाठी आदींनी येथील रेशनदुकानांची पाहणी करत नागरिकांच्या तक्रारी जाणून घेतल्या. 

पिंपरी चिंचवडच्या बातम्या वाचण्यासाठी येथे ► क्लिक करा

रेशनकार्डावरील नावे लिंक नसल्याचे कारण देत कुटुबांच्या नावावर असलेले पूर्ण धान्य नागरिकांना मिळत नाही, धान्य घेतल्यानंतर त्याची पावती दिली जात नाही, तक्रारपुस्तकाची मागणी केली असता ते दाखविले जात नाही. ठाकर, कातकरी आदिवासी, दलित समाजातील अशिक्षित रेशनकार्डधारकांना अरेरावीची भाषा वापरण्यात येते, अशा तक्रारी करत संबंधित दुकानदारांची चौकशी करत गरज भासल्यास कारवाई करावी, अशी मागणी नगसेविका कल्पना आखाडे यांनी केली.

पुण्याच्या बातम्या वाचण्यासाठी येथे ► क्लिक करा