मोशी (पिंपरी-चिंचवड) : मोशीतील श्री नागेश्वर महाराज उपबाजार समितीमध्ये यंदाच्या हंगामातील रत्नागिरी हापूस आंब्याचे आगमन झाले आहे. हातखांब गावातील हापूस आंब्याचे शेतकरी दीपक शिंदे यांच्याकडून येथील हापूस आंब्याचे आडतदार संतोष सोनवणे यांच्या गाळ्यावर मंगळवारी (ता. २२) दोन पेट्यांची आवक झाल्याचे बाजार समितीचे प्रमुख नीलेश लोखंडे यांनी सांगितले. 

- ताज्या बातम्यांसाठी डाऊनलोड करा ई-सकाळचे ऍप

- पिंपरी-चिंचवडच्या बातम्या वाचण्यासाठी येथे ► क्लिक करा

या पेट्यांचे पूजन लोखंडे यांच्या हस्ते करण्यात आले. या वेळी आडतदार गणेश सस्ते, मारुती बिराजदार, नितीन गावडे, बिभीषण चेडे, दादा काळजे, नितीन समदाडे तसेच घाऊक व्यापारी उपस्थित होते. संपूर्णपणे नैसर्गिक पध्दतीने पिकविण्यात येणाऱ्या या पाच ते सहा डझनच्या पेटीचा भाव सध्या आवक कमी असल्याने नऊ ते दहा हजार रुपये आहे. सुरुवातीची आवक असल्याने भाव जास्त आहेत. मात्र यापुढे गुढीपाडव्यापर्यंत हे भाव कमी होतील, असे आंबा आडतदार संतोष सोनवणे यांनी सांगितले.