पिंपरी, ता. ३ ः छत्रपती शिवाजी महाराज यांच्या राज्याभिषेकाला ३५० वर्षे पूर्ण झाल्याबद्दल स्वराज्य स्थापनेत योगदान देणाऱ्या सरदार घराण्यांच्या वंशजांचा चिंचवड देवस्थान ट्रस्टच्यावतीने सन्मान करण्यात आला.

सौरभ कर्डे यांचे ‘शिवराज्याभिषेक’ विषयावर व्याख्यान झाले. चिंचवड येथील श्री मोरया गोसावी महाराज संजीवन समाधी मंदिर पटांगणात झालेल्या कार्यक्रमात सरदार हिरोजी इंदलकर यांचे वंशज श्रीनिवास इंदलकर, सरदार कान्होजी जेधे यांचे वंशज इंद्रजित जेधे, सरदार येसाजी कंक यांचे वंशज रवी कंक, सरदार पिलाजी सणस यांचे वंशज बाळासाहेब सणस, सरदार जयताजी करंजावणे यांचे वंशज गोरख करंजावणे, सरदार कृष्णाजी बांदल यांचे वंशज अनिकेत बांदल यांचा सन्मान केला. तसेच, समीर वरेकर यांनी शिववंदना सादर केली. यावेळी मुख्य विश्वस्त मंदार देव महाराज उपस्थित होते. अथर्व कुलकर्णी यांनी पोवाडा सादर केला. जितेंद्र देव यांनी प्रास्ताविक केले. देवदत्त भिंगारकर यांनी सूत्रसंचालन केले.