देहू : यंदाच्या आषाढी वारीसाठी पंढरपूरकडे जाणाऱ्या संत तुकाराम महाराज पालखी सोहळ्याच्या प्रमुखपदी माणिक महाराज मोरे, विशाल महाराज मोरे आणि संतोष महाराज मोरे यांची शनिवारी (ता. 2) झालेल्या बैठकीत निवड करण्यात आली.
सध्या संपूर्ण विश्वात कोरोनामुळे जनजीवन विस्कळीत झालेले आहे. या पार्श्वभूमीवर परंपरेनुसार आषाढी वारीसाठी जाणाऱ्या संत तुकाराम महाराज आणि संत ज्ञानेश्वर महाराज पालखी सोहळ्यावरही कोरोनाचे सावट आहे. यंदा संत तुकाराम महाराज पालखी सोहळ्या येत्या 12 जूनला देहूतून पंढरपूरकडे प्रस्थान ठेवणार आहे. त्यामुळे संत तुकाराम महाराज संस्थानने पालखी सोहळ्यासंदर्भात नियोजनासंदर्भात संस्थानच्या देहू येथील कार्यालयात विचारविनिमय केला. त्यात पालखी सोहळा प्रमुखांची निवड करण्यात आली.
पुण्याच्या बातम्या वाचण्यासाठी येथे ► क्लिक करा
देऊळवाड्यात झालेल्या बैठकीत संस्थानचे अध्यक्ष मधूकर महाराज मोरे, विश्वस्त संजय महाराज मोरे, अजित महाराज मोरे व इतर उपस्थित होते. त्यात पालखी सोहळा प्रमुखपदी संस्थानचे विश्वस्त माणिक महाराज मोरे, विशाल महाराज मोरे आणि संतोष महाराज मोरे यांची निवड करण्यात आली. याबाबत विशाल महाराज मोरे यांनी सांगितले, परंपरेनुसार आषाढीवारी सुरु आहे. त्यात खंड पडणार नाही. शासनाबरोबर बैठक होवून अंतिम निर्णय घेण्यात येणार आहे. श्री विठ्ठलाला सर्वांची काळजी आहे. त्यामुळे पालखी सोहळा संपन्न होईल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.