पिंपरी : मुली झाल्याच्या कारणावरून सासरच्या मंडळींनी विवाहितेचा मानसिक छळ केला. वंशाचा दिवा हवा, यासाठी वेळोवेळी त्रास दिला. त्या त्रासाला कंटाळून विवाहितेने रॉकेल ओतून पेटवून घेतले. ही घटना चिंचवड येथील प्रेमलोक पार्क येथे घडली. यामध्ये विवाहिता ५५ टक्के भाजली आहे. विवाहितेने दिलेल्या फिर्यादीनुसार, आनंद छगनराव खैरनार, छगनराव सुखलाल खैरनार, कमलाबाई खैरनार, अलका कैलास ठाकरे यांच्यावर गुन्हा दाखल झाला.

सतत मुली झाल्याच्या कारणावरून आरोपी त्यांना घालून पाडून बोलत होते. वंशाचा दिवा हवा यावरून त्यांना त्रास दिला जायचा. या रागाच्या भरात विवाहितेने अंगावर रॉकेल ओतून पेटवून घेतले. यामध्ये त्या ५० ते ५५ टक्के भाजल्या असून, त्यांच्यावर पुण्यातील ससून रुग्णालयात उपचार सुरू आहेत.

ताज्या बातम्यांसाठी डाऊनलोड करा ई-सकाळचे ऍप 

याप्रकरणी चिंचवड पोलिस ठाण्यात गुन्हा दाखल असून, पोलिस अधिक तपास करीत आहेत.