Vinode Family Bagad Sakal
पिंपरी-चिंचवड

बगाड मिरवणुकीतून कोरोनाला हरविण्याचा संदेश

वाकड-हिंजवडीच्या यात्रेचे प्रमुख वैशिष्ट्य म्हणजे बगाड मिरवणूक. ही मिरवणूक चक्क एका घरातून निघाली. म्हातोबाचा चांगभलं असा जयघोष झाला.

सकाळ वृत्तसेवा

वाकड - वाकड-हिंजवडीच्या यात्रेचे प्रमुख वैशिष्ट्य म्हणजे बगाड मिरवणूक. ही मिरवणूक चक्क एका घरातून निघाली. म्हातोबाचा चांगभलं असा जयघोष झाला. भंडारा अन् खोबऱ्याची उधळण झाली. मात्र, बगाडावर गळ टोचलेला गळकरी होता ना माणसांची गर्दी. चिल्ल्या-पिल्ल्यांसह जेमतेम आठ माणसांच्या या मिरवणुकीत ‘घरी रहा- सुरक्षित रहा, घरूनच उत्सव साजरा करा’ असा संदेश देण्यात आला.

कोरोनाच्या पार्श्‍वभूमीवर ग्रामदैवत म्हातोबा महाराजांची यात्रा व बगाड मिरवणूक रद्द झाल्याने वाकडमधील रहिवासी व उत्सव कमिटी सदस्य राहुल विनोदे परिवाराने लाकडी प्रतिकात्मक बगाड तयार केले. पारंपरिक पद्धतीने घरगुती पूजा-अर्चा करीत घराच्या आवारातच मिरवणूकही काढली. ‘म्हातोबाचा... चांगभलं...’ असा जयघोष करीत घरी राहिलात तर पुढच्या वर्षी उर्साला (यात्रा) भेटू, असे साकडेही घातले. कोरोनामुळे सलग दोन वर्षे यात्रा रद्द झाल्याने वाकड-हिंजवडी ग्रामस्थांची मोठी निराशा झाली आहे.

यात्रेची आस असलेल्या लहानग्यांचाही हिरमोड झाला आहे. सर्वांनाच घरच्या घरी उत्सवाचा आनंद लुटता यावा अन् या धार्मिक कार्यक्रमाद्वारे इतर ग्रामस्थांमध्ये कोरोनाबाबत जनजागृती करण्याची संकल्पना राहुल विनोदे यांना सुचली. त्यानुसार त्यांनी गेल्या आठ दिवसापासून चिल्ल्यापिल्यांच्या मदतीने बगाड बनवायला सुरुवात केली. बगाड निर्मितीसाठी त्यांना वडीलधारी मंडळी आनंदा विनोदे, पंडित विनोदे यांनी मार्गदर्शन केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Gokul Dudh Sangh News : गोकुळनंतर वारणाचंही दूध महागलं; दूधदरवाढीमागची नेमकी 5 कारणं काय?

Raju Shetty : कोल्हापुर पॅटर्नप्रमाणे दर न देणाऱ्या कारखानादारांना दिला आठ दिवसांचा अल्टीमेटम

Google IIT Kharagpur: आयआयटी खरगपूरच्या एआय संशोधनासाठी गुगलकडून 50 लाख डॉलर्सचा निधी; सुंदर पिचाई यांची भावुक पोस्ट

Malegaon Sugar Factory : माळेगावची उसाला पहिली उचल ३९०० रुपये जाहीर

Latest Marathi News Live Update: राजा भिंगे खून प्रकरणातील पाच आरोपींना पोलीस कोठडी

SCROLL FOR NEXT