पिंपरी : "मुंबईतील भारतरत्न डॉ.बाबासाहेब आंबेडकर यांच्या 'राजगृह' या निवास स्थानावरील तोडफोडीची राज्य सरकारने गंभीर दखल घेतली आहे. पोलिसांनी एका संशयित आरोपीला अटक केली आहे. त्यामुळे, पिंपरी-चिंचवडच्या नागरिकांनीही या घटनेचा निषेध करताना कोणताही अनुचित प्रकार करु नये. तसेच शासकीय अथवा खासगी मालमत्तांचे नुकसान करू नये,'' असे आवाहन आमदार अण्णा बनसोडे यांनी केले आहे. 

- पुणेकरांच्या बेशिस्तीचे घडले दर्शन; नियम मोडणाऱ्या 'इतक्या' नागरिकांवर गुन्हे दाखल!

या घटनेचा बनसोडे यांनीही तीव्र निषेध केला आहे. बनसोडे यांनी म्हटले आहे की, "राजगृहाच्या काचांवर दोन अज्ञात व्यक्तींकडून तोडफोड झाली. घरातील कुंड्यांचेही त्यात मोठे नुकसान झाले आहे. त्याची चौकशी सुरु आहे. या घटनेचा राज्यभर निषेध केला जात आहे. मात्र, कोरोनाच्या पार्श्‍वभूमीवर, या घटनेचा निषेध करताना कुठलाही अनुचित प्रकार घडू देऊ नका. सर्वांनी शांततेच्या मार्गाने संयम बाळगून निषेध नोंदवावा. निरर्थक गर्दी करु नका. सोशल डिस्टन्सिंगचे पालन करा. दोषी व्यक्तींवर कडक कारवाई करावी, अशी विनंती मी सरकारला करणार आहे.''

- अॅम्बुलन्ससाठी होणारी लूट थांबणार; नवे दर काय आहेत ते जाणून घ्या!​

दरम्यान, भारतरत्न डॉ. बाबासाहेब आंबेडकर यांच्या मुंबईतील निवासस्थान असलेल्या राजगृह या ठिकाणी दोन अज्ञात व्यक्तींनी तोडफोड केली. तसेच घराच्या काचांवरही दगडफेक केली. या घटनेचा राज्यभरातून निषेध व्यक्त करण्यात आला. हल्लेखोरांवर कडक कारवाई करण्यात यावी, अशी मागणीही केली जात आहे.

- 'त्या' विद्यार्थ्यांना डॉ. बाबासाहेब आंबेडकर फेलोशिप मिळणार; धनंजय मुंडेंनी दिली गुड न्यूज!

आंबेडकरी अनुयायांसाठी महत्त्वाचे ठिकाण असलेल्या या जागेची तोडफोड केल्याने सर्वत्र संतापाची लाट पसरली आहे. राष्ट्रवादी काँग्रेसचे नेते डॉ. जितेंद्र आव्हाड आणि धनंजय मुंडे तसेच राज्याचे गृहमंत्री अनिल देशमुख यांनीही या घटनेचा तीव्र निषेध व्यक्त केला आहे. त्यामुळे नागरिकांनी याचा निषेध व्यक्त करताना अजून कोणताही अनुचित प्रकार घडू नये, याची काळजी घ्यावी, असे आवाहन आमदार बनसोडे यांनी केले आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे क्लिक करा