पिंपरी : मावळ लोकसभा मतदारसंघात लोणावळा, खंडाळा, माथेरान, अशी अनेक पर्यटनाची ठिकाणे आहेत. पर्यटनाला चालना देण्यासाठी सरकारने एक योजना तयार करावी. तसेच त्यामध्ये रेल्वे सुविधा, पार्किंग व्यवस्था, मनोरंजनाची साधने आदी सुविधा देण्यात याव्यात, जेणेकरून देश-विदेशातून पर्यटकांचा ओघ वाढेल आणि त्यामुळे स्थानिक लोकांना रोजगार मिळेल. युवकांच्या हाताला काम देण्याची सरकारची घोषणा पूर्ण होईल, असे शिवसेना खासदार श्रीरंग बारणे यांनी लोकसभेत सांगितले.
खासदार बारणे म्हणाले, "मावळ ही ऐतिहासिक भूमी आहे. मावळ लोकसभा मतदारसंघात ऐतिहासिक कार्ला लेणी, लोहगड, तुंग, तिकोना, राजमाची, विसापूर हे किल्ले आहेत. या किल्ल्यांची पुरातत्व विभागामार्फत सुधारणा करणे आवश्यक आहे. ही सुधारणा झाल्यानंतर किल्ल्यांवरील पर्यंटकांमध्ये निश्चितच वाढ होईल.''
पिंपरी-चिंचवडच्या बातम्या वाचण्यासाठी येथे ► क्लिक
पुण्याच्या बातम्या वाचण्यासाठी येथे ► क्लिक करा
अनेक नागरिक पर्यटनासाठी विदेशात जातात. मात्र, आपल्या देशातही ऐतिहासिक वारसा असलेली पर्यटनस्थळे मोठ्या प्रमाणात आहेत. केंद्र सरकारने त्यासाठी आर्थिक साहाय्य देऊन त्या पर्यंटनास्थळांचा विकास करावा. त्यामुळे देश-विदेशातील पर्यटकांची संख्या वाढेल. तसेच, विदेशी पर्यटक देखील भारतात पर्यटनासाठी येतील. स्थानिक लोकांना रोजगार मिळेल. युवकांच्या हाताला काम देण्याची सरकारची घोषणा पूर्ण होईल, याकडेही खासदार बारणे यांनी लक्ष वेधले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.