नवी सांगवी (पिंपरी चिंचवड) : खंडित झालेला वीजपुरवठा सुरळीत करताना विजेचा तीव्र धक्का बसून महावितरण कर्मचाऱ्याचा मृत्यू झाला. ही घटना मंगळवारी (ता. 11) दुपारी बाराच्या दरम्यान येथे घडली.
पिंपरी-चिंचवडच्या बातम्या वाचण्यासाठी येथे ► क्लिक करा
हनुमंत नागनाथ भिसे (वय 32) असे मृत कर्मचाऱ्याचे नाव आहे. नवी सांगवी परिसरात सोमवार (ता. 10) रात्रीपासून वीजपुरवठा विस्कळीत झाला होता. काही भागात कमी दाबाने वीज प्रवाह सुरू होता. त्यामुळे भिसे व त्यांचे सहकारी मंगळवारी दुपारी येथील शनिमंदिर जवळील डीपी दुरुस्तीच्या कामाला आले होते. भिसे डीपीवर चढुन विद्युत प्रवाह सुरळीत करताना अचानक विजेचा झटका बसला. त्यात ते पंचवीस फुटावरून खाली फेकले गेले.
तेथे उपस्थित असलेल्या त्यांच्या सहकाऱ्यांनी त्यांना तातडीने औंध जिल्हा रुग्णालयात दाखल केले. परंतु तेथे त्यांना मृत घोषित करण्यात आले. मूळचे लातूर जिल्ह्यातील असलेले भिसे यांच्या पश्चात पत्नी, दोन मुले व एक बहिण, असा परिवार आहे. याबाबत सांगवी पोलिस अधिक तपास करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.