पिंपरी : कोरोनाच्या संसर्गापासून बचाव करण्यासाठी कॉटनच्या मास्कचा वापर करणाऱ्यांची संख्या वाढू लागली आहे. गेल्या आठवड्यापासून या मास्कची शहरातील रस्त्यावर मोठ्या प्रमाणात विक्री सुरु झाली आहे. या मास्कची किंमत कमी असल्यामुळे नागरिक त्याची खरेदी करण्यास प्राधान्य देत आहेत.
कोरोनाला सुरुवात झाल्यानंतर सर्जिकल मास्कचा वापर करण्याचे प्रमाण वाढले होते. आता मात्र, मास्कच्या वापर करण्याच्या ट्रेन्डमध्ये बदल होताना दिसत आहे. कॉटनच्या कापडाचा वापर करुन अनेक प्रकारचे मास्क तयार करण्याचे उद्योग शहरात अनेक ठिकाणी सुरु झाले आहेत. लॉकडाउनमुळे अनेक उद्योग बंद झाले आहेत. त्यामुळे अनेक बेरोजगार तरुणांनी याचे मार्केटिंग करत रस्त्यावर त्याची विक्री सुरु केली आहे.
पिंपरी चिंचवडच्या बातम्या वाचण्यासाठी येथे ► क्लिक करा
पुण्याच्या बातम्या वाचण्यासाठी येथे ► क्लिक करा
टिकाऊ आणि आकर्षक अशा प्रकारच्या या मास्कची नागरिकदेखील खरेदी करत आहेत. शहरातील पिंपरी चौक, चिंचवड, आकुर्डी, वाकड, भोसरी या परिसरात रस्त्याच्या लगतच्या बाजूला स्टॅन्ड लावून किंवा झाडाला दोरी बांधून या मास्कची विक्री सुरु आहे. कॉटनच्या कापडापासून हे मास्क तयार करण्यात आले असल्यामुळे पाण्याचे स्वच्छ करुन त्याचा पुन्हा वापर करता येउ शकतो, त्यामुळे याला बाजारपेठेत चांगली मागणी आहे.
100 रुपयांना चार मास्क....
कॉटनच्या मास्कची मागणी बाजारपेठेत वाढत असून, 100 रुपयांना चार या दराने त्याची विक्री होत आहे. औषध दुकानदारांकडे दहा रुपयांपासून मास्क उपलब्ध आहेत. मात्र, त्यापेक्षा कापडापासून तयार केलेले हे मास्क टिकाउ असल्यामुळे नागरिक त्याची खरेदी करण्यास सर्वाधिक पसंती देताना दिसत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.