पिंपरी : पिंपरी चिंचवड शहरातील कोरोनाबाधित रुग्णांपैकी बुधवार सकाळपर्यंत 23 जणांचा मृत्यू झाला आहे. काल मंगळवारी एका दिवसात तीन महिलांचा मृत्यू झाला. त्यात शहरातील दोन आणि लोणावळ्यातील एका महिलेचा समावेश आहे.

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवड शहरात कोरोनाचा पहिला रुग्ण अकरा मार्च रोजी आढळला. तेव्हापासून आतापर्यंत एकूण पाॅझिटीव्ह रुग्णांची संख्या चौदाशे पर्यंत पोचली आहे. पैकी आठशे पेक्षा अधिक जण बरे झाले आहेत. आतापर्यंत 23 जणांचा मृत्यू झाला आहे. एकूण रुग्ण संख्येच्या तुलनेत हा आकडा अवघा दीड ते पावणेदोन टक्के असला तरी चिंताजनक आहे. कारण, मृत्यू झालेले सर्वजण संसर्ग झाल्याची लक्षणे दिसल्यानंतर काही दिवसांनी वातसीएम रुग्णालयात दाखल झाले आहेत. रुग्णालयात दाखल झाल्यानंतर काहींचा मृत्यू तीन चार दिवसांत तर काहींचा मृत्यू अवघ्या काही तासांत झाला आहे. शिवाय, कोरोना व्यतिरिक्त अन्य गंभीर आजार त्यांना होते, असे निरीक्षणाच्या निदर्शनास आले आहे.  

पुण्याच्या बातम्या वाचण्यासाठी येथे  क्लिक करा

काल मंगळवारी तीन महिलांचा मृत्यू झाला. त्यातील दोन महिला शहरातील तर एक महिला लोणावळ्यातील रहिवासी होती. दापोडी येथील 70 वर्षीय महिला चार दिवसांपूर्वी रुग्णालयात दाखल झाली होती. त्यांना उच्च रक्तदाब, मधुमेहाचाही त्रास होता. भोसरीतील मृत महिला साठ वर्षीय होती. त्यांना यापूर्वी तीन वेळा ह्रदयविकाराचा झटका आलेला होता. लोणावळा येथील 57 वर्षीय महिलेला कर्करोगाचा त्रास होता. 

पुण्याच्या बातम्या वाचण्यासाठी येथे  क्लिक करा

सरकार व महापालिका प्रशासनाने ज्येष्ठ नागरिक व दहा वर्षांखालील मुलांना कोरोनाचा अधिक धोका असल्याने काळजी घेण्याचे आवाहन वेळोवेळी केले आहे. आजपर्यंत साठच्या आतील फक्त चार जणांचा मृत्यू झालेला आहे. त्यांनाही अन्य विकार होते, शिवाय ते उशिरा वायसीएममध्ये दाखल झाले होते, असे एका अधिकाऱ्यांनी सांगितले.

पुण्याच्या बातम्या वाचण्यासाठी येथे  क्लिक करा