पिंपरी : दुचाकीच्या डिक्कीचे लॉक तोडून त्यातील एक लाखाची रोकड चोरट्याने लंपास केल्याची घटना पिंपरी येथे उघडकीस आली. याप्रकरणी अज्ञात चोरट्यावर गुन्हा दाखल करण्यात आला. 

ताज्या बातम्यांसाठी डाऊनलोड करा ई-सकाळचे ऍप 

ऍलन ऍलिक हर्बट (वय 35, रा. वैभवनगर, फेज आय, सी विंग, पिंपरी) यांनी फिर्याद दिली. शनिवारी (ता. 18) दुपारी दीडच्या सुमारास फिर्यादी यांनी त्यांची (एम.एच. 14, जी.के. 4905) या क्रमांकाची दुचाकी पिंपरीतील रॉयल स्कूलच्या मागे महालक्ष्मी सप्लायर येथे लॉक करून उभी केली होती. त्या दुचाकीच्या डिक्कीत एक लाखांची रक्कम होती. 

पिंपरी-चिंचवडच्या बातम्या वाचण्यासाठी येथे ► क्लिक करा

दरम्यान, अज्ञात आरोपीने डिक्कीचे लॉक तोडून त्यातील एक लाखाची रोकड व फिर्यादीच्या मोटारीची चार हजार रुपये किंमतीची चावी असा एकूण एक लाख चार हजारांचा ऐवज लंपास केला. ही घटना रात्री दहाच्या सुमारास उघडकीस आली. पिंपरी पोलिस अधिक तपास करीत आहेत.