तळेगाव स्टेशन : कोविड-१९ उपचारांसाठी मावळ आता स्वयंपूर्ण बनल्याचे चित्र आहे. तळेगावातील मायमर वैद्यकीय महाविद्यालय संचालित डॉ. भाऊसाहेब सरदेसाई ग्रामीण रुग्णालयातील कोविड केअर सेंटरमध्ये उपचार घेऊन पूर्णपणे बऱ्या झालेल्या पहिल्या रुग्णाला शनिवारी (ता.२०) हर्षोल्हासात निरोप देण्यात आला.

ताज्या बातम्यांसाठी डाऊनलोड करा ई-सकाळचे ऍप   
                           
कोविड-१९ उपचारांसाठी पुणे अथवा पिंपरी चिंचवड परिसरातील कोविड रुग्णालयांत जावे लागत असे. मात्र, जसजसा कोरोनाचा प्रादुर्भाव वाढत गेला तसा बाहेरील रुग्णांसाठी प्रतीक्षा कालावधी वाढत गेला. त्यानुषंगाने मावळ तालुका आपत्ती निवारण कक्ष प्रशासनाने सर्वेक्षण करून मावळातील रुग्णांवर मावळातील स्थानिक रुग्णालयांत उपचार करता येतील. या बाबत चाचपणी केली. त्यानंतर तळेगावातील सुगी पश्चात संशोधन केंद्र आणि मायमर संचालित डॉ. भाऊसाहेब सरदेसाई ग्रामीण रुग्णालयात स्वतंत्र कोविड हॉस्पिटल कार्यान्वीत करण्यात आले.

पिंपरी चिंचवडच्या बातम्या वाचण्यासाठी येथे ► क्लिक करा

२५ मेपासून तळेगावातील सुगीपश्चात संशोधन केंद्राच्या इमारतीमध्ये सौम्य लक्षणांच्या रुग्णांसाठी कोविड केअर सेंटर आणि घशातील नमुना संकलन कक्ष कार्यान्वित करण्यात आला. तसेच डॉ. भाऊसाहेब सरदेसाई ग्रामीण रुग्णालयात कोविड रुग्णांसाठी स्वतंत्र अतिदक्षता विभाग, सहा व्हेंटिलेटर्स आणि इतर आवश्यक उपचार साधने उपलब्ध करून जोखमीच्या रुग्णांवर उपचार प्रणाली जूनच्या पहिल्या आठवडयात कार्यान्वित करण्यात आली आहे. याशिवाय गरज भासल्यास मावळ तालुक्यातील इतर पाच खाजगी रुग्णालये देखील नामनिर्देशित करण्यात आली आहेत. 

पुण्याच्या बातम्या वाचण्यासाठी येथे ► क्लिक करा 

कोविड त्यामुळे उपचारांसाठी रुग्णांना आता शहरात जाण्याची गरज नसल्याचा विश्वास आरोग्य विभागाने व्यक्त केला. निमोनिया आणि कोरोनाची लक्षणे आढळलेल्या कडधे येथील ५७ वर्षीय रुग्णाला १२ जूनला उपचारार्थ दाखल करण्यात आले होते. नऊ दिवसांच्या उपचारानंतर त्याची प्रकृती उत्तम असल्याने केलेल्या दुसऱ्या कोविड-१९ चाचणीचा अहवाल निगेटिव्ह आला. त्यामुळे त्याला रुग्णालयातून सुटी देऊन १४ दिवसांच्या गृह विलगीकरणासाठी रुग्णवाहिकेतून घरी पाठविण्यात आले. रुग्णालयाचे कोविड कक्ष अधिकारी डॉ. सुदीप कुमार वैद्यकीय अधीक्षक डॉ. प्रशांत कामत आणि कर्मचारी उपस्थित होते. 

पिंपरी चिंचवडच्या बातम्या वाचण्यासाठी येथे ► क्लिक करा

सर्वांनी पुष्पवर्षाव करत टाळ्या वाजवून दिलेल्या निरोपाबद्दल बऱ्या झालेल्या रुग्णाने प्रशासनाप्रती कृतज्ञता व्यक्त केली.रुग्णांवर उपचार करणाऱ्या कोविड केअर सेंटरमधील डॉक्टर्स आणि कर्मचाऱ्यांचे मावळचे तहसीलदार मधुसूदन बर्गे, तळेगावचे मुख्याधिकारी दीपक झिंजाड, तालुका आरोग्य अधिकारी डॉ. चंद्रकांत लोहारे, डॉ. गुणेश बागडे, डॉ. प्रवीण कानडे, मायमरच्या कार्यकारी संचालिका डॉ. सुचित्रा नागरे यांनी अभिनंदन केले आहे.